भदौ २६, २०८०
ललितपुरको उत्तर–पश्चिम क्षेत्रमा पर्ने छम्पी क्षेत्र यतिबेला निकै हरियाली, शान्त र मनमोहक देखिन्छ । काठमाडौं उपत्यकामा खेतीयोग्य जमिन पाउन मुस्किल भइरहेको बेला छम्पी क्षेत्रका स्थानीयले भने नगदेब...
माघ १५, २०७८
धादिङमा जन्मिएका बेग तामाङ परिवारका माइला सन्तान हुन् । उनी ९ महिनाको हुँदा खुट्टामा समस्या देखियो । खुट्टा आफैँ सुक्दै जान थाल्यो ।
गाउँघरमा त्यतिबेला अस्पताल लैजाने चलन थिएन । उनको परिवार पनि झारफुक गराउनतिर लाग्यो । तर, रोग झारफुकबाट ठीक हुने कुरै भएन ।
परिवारले पछि मात्र थाहा पाए, बेगलाई पोलियो भएको रहेछ । रोग पहिचान हुँदा उपचारका लागि धेरै ढिला भइसकेको थियो ।
बेग १३ वर्षको हुँदा अस्पताल लगियो । पूर्ण रूपमा निको हुन सम्भव नभए पनि उनले चिकित्सकको सल्लाहमा थेरापी र दैनिक व्यायाम गर्न थाले । लट्ठीको सहारामा सामान्य हिँडडुल पनि गरे ।
उनी आधा घण्टाको बाटो घस्रिँदै विद्यालयसम्म पुग्न थाले । यसैगरी ४ कक्षासम्म गाउँमै अध्ययन गरे । त्यसपछि फुपूले उनलाई ललितपुरको पाटन ल्याएर कक्षा ५ मा भर्ना गराइदिइन् ।
फुपूले नै होस्टेलको समेत व्यवस्था मिलाइदिइन् । ललितपुरबाट उनले प्लस टुसम्मको अध्ययन पूरा गरे । त्यसपछि उनलाई आफैंले केही गर्नुपर्छ भन्ने लाग्यो ।
होस्टेल छाडेर जागिरका लागि धेरै ठाउँ धाए, तर अपांगताका कारण जागिर मिलेन । 'रोजगारदाताले मागेअनुसारका सबै कुरा पूरा हुँदा पनि अपांगताकै कारण मलाई जागिर दिइएन । धेरै ठाउँमा मलाई रिजेक्ट गरियो,' तामाङले निराश हुँदै सुनाए ।
धेरै ठाउँ भौँतारिएपछि उनले अनलाइन डेटा इन्ट्रीको जागिर भेटे । बिहान-बेलुका जागिर र दिउँसो पढाइलाई अगाडि बढाउन थाले । यसैगरी उनको दैनिकी केही समय चल्यो ।
अनि बने पठाओ राइडर
यसबीचमा यात्रामा सहजताका लागि उनले दु:ख गरेर अपांगमैत्री चारपांग्रे स्कूटर किनेका थिए ।
साथीभाइले उनलाई सोही स्कूटर चलाएर पठाओ राइडरको काम गर्न सकिने सुझाव दिए ।
'पठाओ राइड गर्दा कसैको अन्डरमा बस्नु नपर्ने, स्वतन्त्ररूपले पैसा कमाउन सकिने हुनाले राम्रो लागेर यसमा आबद्ध भएँ,' तामाङले आफ्नो करीयरको टर्निङ पोइन्टबारे खुलाए ।
उनको पठाओ राइडिङ पनि सोचेजस्तो सहजरूपमा शुरू भएन ।
'काम शुरू गरेको पहिलो दिनमै ग्राहकले मलाई रिजेक्ट गरिदिनुभयो,' उनले सुनाए, 'अनलाइन बूकिङ भएको लोकेसनमा पुगेपछि मेरो शारीरिक अवस्था र अपांगता भएका व्यक्तिले चलाउने स्कूटर देखेर यात्रुले चढ्न अस्वीकार गर्नुभयो । मन नै अमिलो भयो ।'
उक्त प्रकरणबाट निकै दु:खी भएका उनी एक सातासम्म फोन स्वीच अफ घरमै बसे ।
यसबीचमा पनि साथीभाइले उनलाई निकै हौसला दिए ।
सोही हौसलाले पुन: काममा फर्किएका बेगसँग अहिले तीतामीठा अनुभवका कैयन क्षण छन् ।
एकपटक सानेपाबाट ठमेलसम्म जाँदा ग्राहकले दिएको हौसलाले उनलाई आज पनि ऊर्जा मिल्छ ।
'तपाईंजस्तो मान्छे यो समाजको उदाहारण हुनुहुन्छ । हामीसँग भगवानले दिएको सबैथोक हुँदा पनि केही गर्न सकेका छैनौं, तर तपाईं त खुट्टा नचल्ने हुदाँ पनि आफैँ काम गरेर खानुभएको छ भनेर मलाई धेरै हौसला दिनुभएको थियो । त्यो पल सम्झिँदा अझै पनि ऊर्जा मिल्छ,' उनले खुशी हुँदै सुनाए ।
आम्दानीको २० प्रतिशत पठाओलाई बुझाउनुपर्ने, पेट्रोल, इन्टरनेट, फोन कल सबै खर्च कटाएर दिनमा एक हजारसम्म कमाउने गरेको उनले बताए ।
कतिपय ग्राहकले अझै पनि बेगको अवस्था देखेर मुख खुम्च्याउँछन्, तर ग्राहकलाई सुरक्षित रूपमा गन्तव्यमा पुर्याउन आफू सक्षम रहेको उनको भनाइ छ ।
अहिलेसम्म उनले यो जिम्मेवारी सुरक्षित रूपमा पूरा गरिरहेकै छन् ।
प्रेम अनि विवाह
सामाजिक सञ्जाल प्रयोग गर्ने क्रममा एक युवतीसँग उनको कुराकानी हुन थाल्यो ।
कुराकानीकै क्रममा उनीहरू एकअर्कासँग नजिकिइसकेका थिए ।
बेगले आफ्नो अवस्थाबारे सबै कुरा बताइदिए ।
प्रेमिकाले आफ्नो अवस्थालाई सहर्ष स्वीकार्दा उनमा खुशीको कुनै ठेगान नै रहेन ।
अहिले उनीहरू विवाहबन्धनमा बाँधिएका छन् ।
'अहिले हामी खुशीसाथ दाम्पत्य जीवनमा बाँधिएका छौं । अब श्रीमतीलाई लोकसेवाको परीक्षा दिन लागाउने योजना छ,' उनले भने ।
ललितपुरको उत्तर–पश्चिम क्षेत्रमा पर्ने छम्पी क्षेत्र यतिबेला निकै हरियाली, शान्त र मनमोहक देखिन्छ । काठमाडौं उपत्यकामा खेतीयोग्य जमिन पाउन मुस्किल भइरहेको बेला छम्पी क्षेत्रका स्थानीयले भने नगदेब...
साउन २ गते समातिएको ६० किलो सुन तस्करीको अनुसन्धानका क्रममा भन्सारका कर्मचारीहरू पक्राउ पर्न थालेपछि उनीहरू आन्दोलित भएका हुन् । सामुहिक सरुवा माग गरेका कर्मचारीले सरुवा नभएपछि आइतवारदेखि आन्दोलन श...
'राष्ट्र, राष्ट्रियता, धर्म-संस्कृति र नागरिक बचाऊ' अभियानका नाममा मेडिकल व्यवसायी दुर्गा प्रसाईंले आयोजना गरेको प्रदर्शनका क्रममा बल्खुमा तनाव उत्पन्न भयो । दुर्गा प्रसाईं, राप्रपा सांसद ज्ञानबहादुर शाहील...
पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...
खोला किनारमा निर्माण भएका सडकले काठमाडौं उपत्यकाको सवारी आवागमनलाई केही हदसम्म भए पनि सहज बनाएको छ । काठमाडौंको बागमती, विष्णुमती, मनोहरा, धोबीखोला, नख्खु खोला, टुकुचा, हनुमन्ते, रुद्रमतीलगायत...
गोठाटारमा रहेको कृष्ण मन्दिर भारतको गुजराको नवतमपुरी धाम शैलीमा निर्माण भएको मन्दिर हो । नवतनधामका नामले परिचित यो मन्दिरमा प्रणामी धर्म मन्ने भक्तजनको भीड लाग्ने गर्दछ । श्रीकृष्ण जन्माष्टमीका...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...