पछिल्लो २४ घण्टामा १५७० जनामा कोरोना संक्रमण पुष्टि भएको छ । 

स्वास्थ्य तथा जनसंख्या मन्त्रालयका अनुसार ११ हजार ३६५ नमूना परीक्षणमध्ये १०२२ पीसीआर र ५४८ जनामा एन्टिजेन पोजिटिभ देखिएको हो । 

यस्तै पछिल्लो २४ घण्टामा संक्रमणबाट १३ जनाको मृत्यु भएको छ । 

हालसम्मको मृत्यु संख्या ११ हजार ८२७ छ । 

मन्त्रालयका अनुसार थप ६१४६ जना संक्रमणमुक्त भएका छन् । 

यससँगै हालसम्म कोरोना संक्रमणमुक्त हुनेहरूको संख्या ९ लाख १५ हजार ४८९ पुगेको छ । 

हाल मुलुकभर ४० हजार १११ सक्रिय संक्रमित छन् ।