संखुवासभामा आफ्नै ५२ वर्षीय बुबाको हत्या गरेको आरोपमा एक किशोर पक्राउ परेका छन् । 

सभापोखरी गाउँपालिकाका १८ वर्षीय किशोरलाई हत्या आरोपमा शुक्रवार राति प्रहरीले पक्राउ गरेको हो ।

घरायसी विवादमा ती किशोरले फलामको मार्तोल प्रहार गरी बुबाको हत्या गरेको भन्ने खबर प्राप्त हुनासाथ प्रहरी चौकी धुपु र जिल्ला प्रहरी कार्यालय संखुवासभाबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ ।