नेकपा एकीकृत समाजवादी (एस) पार्टीले १५ दिने जनपरिचालन अभियान सञ्चालन गर्ने निर्णय गरेको छ ।

बिहीवार बसेको एसको केन्द्रीय सचिवालय बैठकले जनपरिचालन अभियान सञ्चालन गर्ने निर्णय गरेको हो ।

अभियानका लागि ‘जनतामा जाऔं, एकीकृत समाजवादीलाई जिताऔं’ नारा तय गरिएको छ ।

सबै प्रदेशको कामको अनुगमन, मुल्यांकन र वस्तुस्थितिको अध्ययन गर्न सबै प्रदेशमा १–१ जना सचिवालय सदस्यलाई जिम्मेवारी प्रदान गरिएको छ ।

१ नम्बर प्रदेशमा उपाध्यक्ष प्रमेश हमाल, मधेशमा उपमहासचिव जगन्नाथ खतिवडा, बागमतीमा उपमहासचिव गंगलाल तुलाधर, गण्डकीमा उपाध्यक्ष जयन्ती राई, लुम्बिनीमा उपमहासचिव विजय पौडेल, कर्णालीमा महासचिव बेदुराम भुसाल र सुदूरपश्चिममा सचिवालय सदस्य रामचन्द्र झालाई जिम्मेवारी दिइएको छ ।