राष्ट्रपतिबाट पदक थाप्न खाली खुट्टा पुगेर भुईँ ढोग्ने को हुन् उनी ?

भारतका राष्ट्रपति रामनाथ कोविन्दले सोमवार राष्ट्रपति भवनमा एक समारोह गर्दै जनरल विपिन रावत (मरणोपरान्त) सहित धेरै प्रतिष्ठित व्यक्तित्वहरूलाई पद्म पुरस्कारले सम्मान गरे । 

यी सम्मानित व्यक्तित्वहरूमध्ये एक थिए १२५ वर्षीय स्वामी शिवानन्द । उनलाई योगको क्षेत्रमा उल्लेखनीय योगदान गरेको भन्दै सम्मान प्रदान गरिएको हो । 

सो समारोहमा भने एउटा रोचक दृश्य देखियो । सामान्य कुर्ता-धोती र खाली खुट्टामा पदक लिन गएका उनले समारोहमा उपस्थित प्रधानमन्त्री नरेन्द्र मोदीलाई अभिवादन गर्न घुँडा टेके । 

त्यसपछि प्रधानमन्त्री मोदीले तुरुन्तै स्वामी शिवानन्दको अगाडि झुकेर जमिन छोएका थिए । लगत्तै पुरस्कार थाप्न राष्ट्रपतिसमक्ष पुगेका उनले त्यहाँ पनि घुँडा टेकेर राष्ट्रपतिलाई अभिवादन गरे । 

स्वामी शिवानन्द काशीमा बस्छन् । यो सम्मानलाई लिएर दुर्गाकुण्डस्थित स्वामी शिवानन्द आश्रममा निकै उत्साह छाएको छ । 

स्वामी शिवानन्दले यो सम्मानले योग र भारतीय जीवनशैलीमा सबैको विश्वास बढाउने बताए ।

लोकतंत्र में सरकारों को कितना लचीला होना चाहिए ये तस्वीर इसका खूबसूरत उदाहरण है। ‘पुरस्कार वापसी’ के फेक नेरेटिव पर नही,अब सही जगह पुरस्कार के सकारात्मक पहलुओं पर चर्चा होनी चाहिए। 125 साल के स्वामी शिवानन्द सहज भाव से प्रेरित कर रहे हैं ‘प्रतिभा का सम्मान है ‘पहुंच’ का नहीं’ 🙏 pic.twitter.com/xgzWaFhdpS

— Pramila Dixit (@pramiladixit) March 22, 2022