मंसिर ४, २०८०
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
बैंक तथा वित्तीय संस्थाले घरजग्गामा २३.४० प्रतिशतले लगानी बढाएका छन् । चालू आर्थिक वर्षको ८ महिनामा घरजग्गामा लगानी बढेको भए पनि शेयर धितो कर्जा भने करीब १० प्रतिशतले घटेको छ ।
राष्ट्र बैंकको मौद्रिक नीतिका कारण घरजग्गामा लगानी बढेको देखिए पनि शेयर धितो कर्जा भने भदौदेखि नै नियमित रुपमा घटेको छ । शेयर धितो कर्जालाई राष्ट्र बैंकले नै निरुत्साहित गरेका कारण घट्दै गएको हो । तर, घरजग्गामा भने नगद मार्जिन राखेर कडाइ गर्दासमेत गत वर्ष फागुनको तुलनामा यो वर्षको फागुनमा ४० अर्ब ३२ करोड रूपैयाँभन्दा बढीले बढेको छ ।
नेपाल राष्ट्र बैंकले घरजग्गा कर्जामा कडाइ गर्न पछिल्लो समय नगद मार्जिन राख्नुपर्ने व्यवस्था गरेको छ । यस्तो लगानी गत महिना नगद मार्जिनको व्यवस्था केही कम भएको मात्रै देखिएको छ । फागुन महिनाको तुलनामा माघमा घरजग्गामा गएको ऋण एक अर्ब रूपैयाँले बढेको छ ।
फागुनसम्ममा बैंकहरूको घरजग्गामा भएको लगानी दुई खर्ब १२ अर्ब ६७ करोड रूपैयाँ छ । यस्तो लगानी गत वर्षको सोही अवधिमा एक खर्ब ७२ अर्ब ३४ करोड रूपैयाँ मात्रै भएको पनि राष्ट्र बैंकले जारी गरेको तथ्यांकमा उल्लेख छ ।
यो अवधिमा डेढ करोड रूपैयाँ भन्दा बढीका व्यक्तिगत घर कर्जाको लागि बैंकहरूले ३ खर्ब ३७ अर्ब रूपैयाँ लगानी गरेका छन् । यस्तो लगानी गत वर्षको सोही अवधिमा २ खर्ब ७३ अर्ब रूपैयाँ मात्रै थियो ।
सवारी कर्जामा भएको बैंकहरूको लगानी भने फागुनसम्ममा एक खर्ब ६८ अर्ब रूपैयाँ रहेको छ । सवारी कर्जामा बैंकहरूले गरेको यस्तो लगानी गत वर्षको फागुनसम्ममा ८१ अर्ब रूपैयाँ मात्रै थियो ।
शेयर धितो कर्जा १० अर्बले घट्यो
चालू आर्थिक वर्षको ८ महिनामा शेयर धितो कर्जा १० अर्ब रूपैयाँले घटेको छ । राष्ट्र बैंकले सार्वजनिक गरेको तथ्यांकअनुसार मौद्रिक नीतिले शेयर धितो कर्जामा कडाइ गरेपछिको ८ महिनामा बैैंकहरूबाट प्रवाह भएको मार्जिन प्रकृतिको कर्जा १० अर्ब ४८ करोड रूपैयाँले घटेको छ । असारको तुलनामा ठूला लगानीकर्ताले शेयर धितोमार्फतको कर्जा तिरेका कारण यस्तो कर्जा घटेको तथ्यांकले देखाएको छ ।
मौद्रिक नीतिले एक जना व्यक्तिले ४ करोड र प्रतिपरिवार १२ करोड रूपैयाँसम्म मात्रै शेयर धितोमा कर्जा लिन पाउने व्यवस्था गरेको छ । यो भन्दा बढी लिनेले थप कर्जा नपाउने र सीमाभन्दा बढी लिएको कर्जा तिर्नुपर्ने व्यवस्थाका कारण पनि शेयर धितो कर्जा घटेको देखिएको छ ।
शेयर धितो कर्जा असार मसान्तमा एक खर्ब ६ अर्ब रूपैयाँ थियो । यस्तो कर्जा फागुन मसान्तमा आइपुग्दा ९५ अर्ब ८० करोड रूपैयाँ मात्रै रहेको पनि राष्ट्र बैंकले जारी गरेको तथ्यांकले देखाएको छ ।
शेयर धितो कर्जा गत वर्षको ८ महिनाको तुलनामा भने १४ अर्ब ३८ करोड रूपैयाँले बढेको छ । गत वर्षको उक्त अवधिमा शेयर धितो कर्जा ८१ अर्ब ४१ करोड रूपैयाँ मात्रै थियो ।
शेयर धितोका साना ऋणी भने बढे
राष्ट्र बैंकको नीतिका कारण ठूला ऋणीलाई शेयर धितो कर्जा नदिने र लिएको पनि फिर्ता गर्नुपर्ने प्रावधानका कारण साना ऋणी भने बढेका छन् ।
२५ लाख रूपैयाँ भन्दा कम ऋण लिएर लगानी गर्ने लगानीकर्ताको संख्या ८ महिनामा १५.६ प्रतिशतले बढेको छ । यो अवधिमा साना लगानीकर्ताल १ अर्ब १५ करोड रूपैयाँले बढाएर ८ अर्ब ५२ करोड रूपैयाँ पुर्याएका छन् ।
यो अवधिमा २५ लाखदेखि ५० लाख रूपैयाँसम्म लगानी गर्ने लगानीकर्ता पनि १६ प्रतिशतले बढेका छन् । यस्ता लगानीकर्ताले ८ महिनामा नै २ खर्ब १२ करोड रूपैयाँले शेयर धितो कर्जामा लगानी बढाएर ३ अर्ब ५७ करोड रूपैयाँ पुर्याएका छन् ।
१ करोड रूपैयाँ भन्दा बढी ऋण लिने ठूला लगानीकर्ताले भने लिएको ऋण तिर्नुपरेका कारण ऋण नै १३ अर्ब ७४ करोड रूपैयाँले कम भएको छ ।
बैंकहरूको नाफा ५२ अर्ब
बैंक तथा वित्तीय संस्थाहरूको नाफा ८ महिनामा नै १०.६३ प्रतिशतले बढेको छ ।
यो अवधिमा बैंक तथा वित्तीय संस्थाहरूले ५२ अर्ब रूपैयाँ खुद मुनाफा कमाएका छन् ।
नेपाल राष्ट्र बैंकले सार्वजनिक गरेको फागुन २०७८ सम्मको तथ्यांकअनुसार वाणिज्य बैंक र विकास बैंकहरूले चालू आवको ८ महिनामा कमाएको यस्तो मुनाफा गत वर्षको सोही अवधिको तुलनामा करीब ५ अर्ब रूपैयाँले बढी हो । गत वर्ष यस्तो मुनाफा ४७ अर्ब रूपैयाँ थियो ।
वाणिज्य बैंकहरूले मात्रै चालू आवको ८ महिनामा ४६ अर्ब ८६ करोड रूपैयाँ खुद मुनाफा कमाएका छन् । वाणिज्य बैंकहरूको यस्तो नाफा अघिल्लो वर्षको यही अवधिमा ४१ अर्ब ९५ करोड रूपैयाँ थियो ।
यो अवधिमा विकास बैंकहरूको नाफा ४ अर्ब ३२ करोड रूपैयाँ रहेको छ । विकास बैंकहरूले गत वर्ष कमाएको यस्तो नाफा विकास बैंकहरूको ४ अर्ब २४ करोड रूपैयाँ रहेको थियो ।
बैंकहरूले नाफा कमाएकै कारण उक्त अवधिमा कर प्रयोजनका लागि १९ अर्ब ६० करोड रूपैयाँ छुट्याएका पनि छन् । यो अवधिसम्ममा वाणिज्य बैंकहरूले कर्मचारीको बोनस प्रयोजनका लागि पनि ६ अर्ब ३५ करोड रूपैयाँ छुट्याएका छन् ।
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
काभ्रेपलाञ्चोक– अरनिको राजमार्गअन्तर्गत भक्तपुरको सूर्यविनायकदेखि काभ्रेपलाञ्चोकको धुलिखेलसम्मको सडक विस्तार योजनाको काम तीव्ररुपमा भइरहेको छ । सडक विस्तार आयोजनाले भने पुरानै शैलीका ढल व्यवस्थापनलाई निरन्तर...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...