नेपाली का‌ँग्रेसको केन्द्रीय कार्यसम्पादन समितिको बैठक आइतवार पनि बस्दैछ ।

गठबन्धनमा भाग पाएको  देशका ३ वटा महानगरपालिकाको उम्मेदवार टुंगो लगाउन बैठक बस्न लागेको हो । 

बैठक बिहान ११ बजेका लागि बोलाइएको छ ।

यसअघि शनिवार पनि बैठक बसेको थियो । तर काँग्रेसका नेताहरु दिनभर छलफलमा जुटेपनि नाम फाइनल गर्न असफल भए  ।

काँग्रेसका एक पदाधिकारीका अनुसार काठमाडौं महानगरपालिकामा सिर्जना सिंहको नाममा करिब सहमति भए पनि अन्य महानगरपालिकाको हकमा सहमति जुट्न नसकेको हो । 

ती नेताका अनुसार ललितपुर र विराटनगरको मेयरको उम्मेदवार अब आइतबार नै टुंग्याइनेछ ।  

त्यसअघि पनि नेताहरु आन्तरिक छलफलमा जुट्ने बताइएको छ । कार्यसम्पादन समितिको बैठक शुक्रबारदेखि पटक पटक सारिँदै आएको छ ।