राष्ट्रिय फोटो पत्रकार समूह नेपालले ९५ औं राष्ट्रिय फोटो पत्रकारिता दिवसका अवसरमा मंगलवार राजधानीमा प्रभातफेरी आयोजना गरेको छ ।

भृकुटी मण्डपबाट शुरू भएको प्रभातफेरी शहीदगेट, सुन्धारा, नयाँ सडक हुँदै हनुमानढोकामा पुगेर समापन भएको थियो ।

वसन्तपुर डबलीमा फोटो पत्रकारहरूले खिचेका तस्वीरहरू प्रदर्शनीमा राखिएको छ ।

प्रदर्शनी बुधवारसम्म जारी रहने जनाइएको छ ।

सो कार्यक्रमलाई राष्ट्रिय फोटो पत्रकार समूहका निवर्तमान अध्यक्ष राजभाइ सुवाल, कविन्द्रमान शाक्य, मीन कृष्ण बज्राचार्य र राजेन्द्र चित्रकार, वर्तमान अध्यक्ष प्रदीपराज वन्तले सम्बोधन गरेका थिए ।