रुपन्देहीको बुटवल उपमहानगरमा मतगणना शुरू भएको छ। बुटवल उपमहानगरपालिकाको पुरानो भवनमा सर्वदलीय बैठकपछि मतगणना शुरू भएको हो।

राति १२ बजेदेखि मतगणना शुरू गर्ने भनिएपनि सर्वदलीय बैठकमा विवाद भएका कारण डेढ घन्टापछि मतगणना थालिएको हो।

१९ वडा रहेको बुटवलमा १- १९, २-१८ गरी गणना गरिने निर्वाचन कार्यालय बुटवलका अधिकृत लेखनाथ पौडेलले जानकारी दिए।

यहाँ ६९.९७ प्रतिशत मत खसेको छ ।  २९ हजार २ सय ६८ पुरुष र ३४ हजार १ सय ३७ मत महिलाले मत दिएका छन्।

बुटवलमा गठबन्धनबाट मेयरमा नेपाली कांग्रेसका खेलराज पाण्डे र एमालेबाट मेयरमा बाबुराम भट्टराईबीच मुख्य प्रतिस्पर्धा हुनेछ  ​।

मतगणना स्थललाई सुरक्षित बनाउन तारजाली लगाइएको छ।