सरकारले आगामी आर्थिक वर्षमा १०० स्थानीय तहमा सरसफाइ गुरुयोजना बनाइने भएको छ । 

यसका लागि केन्द्रले सहयोग गर्ने र स्थानीय तहले कार्यक्रम तय गर्ने भएका छन् । 

प्रत्येक स्थानीय तहमा उपयुक्त प्रविधिबाट फोहोर पानीको प्रशोधन गर्ने व्यवस्था पनि मिलाइने भएको छ । 

साथै काठमाडौं उपत्यकाभित्र थप पानीको स्रोत खोजिने काम पनि आगामी आर्थिक वर्षभित्रै गर्ने राष्ट्रपति विद्यादेवी भण्डारीले सार्वजनिक गरेको आगामी आर्थिक वर्ष २०७९÷८० को नीति तथा कार्यक्रममा उल्लेख छ ।