काठमाडौं उपप्रमुख सुनिताले मतदातालाई दिइन् धन्यवाद, भनिन्- तपाईंको हरेक मत मेरो अठोट पूरा गर्ने बलियो सहारा

काठमाडौं महानगरपालिकाको उपप्रमुखमा विजयी सुनिता डंगोलले मतदाताहरूलाई धन्यवाद व्यक्त गरेकी छन् । 

एक धन्यवाद वक्तव्य जारी गर्दै शुक्रवार उनले आफूलाई दिएको हरेक मतलाई आफ्नो अठोट पूरा गर्ने बलियो सहाराको रुपमा लिएको बताएकी हुन् । 

‘म मेरो कार्यकालमा तपाईंहरूले दिनुभएको कार्यभारहरू इमान्दारिताका साथ कर्तव्यनिष्ट भई पूरा गर्न लागिपर्नेछु,’ उनले भनेकी छन्, ‘जीतहारको मनोविज्ञानलाई त्यागेर अब काठमाडौं महानगरको विकास र समृद्धिका लागि सहकार्य, सहमति र सहअस्तित्वको सिद्धान्तलाई अघि बढाउने प्रण पनि व्यक्त गर्दछु ।’