युनिभर्सिटी अफ लन्डनको एसओएस चाइना इन्स्टिच्युटका निर्देशक प्रा स्टिभ त्साङले अमेरिकालाई हराउने क्षमता आफूहरूले विकसित गरिसकेको भन्ने निश्चित गरेपछि मात्र चीनले ताइवनामाथि आक्रमण गर्ने बताएका छन् । 

अमेरिकाले ताइवानलाई सैन्य तथा अन्य उपकरण प्रशस्त मात्रामा उपलब्ध गराएर चीनलाई आक्रमणबाट विमुख बनाउने सोच राखेको छ । तर सी चिनपिङलाई जुन दिन युद्ध जित्न सकिन्छ जस्तो लाग्छ, त्यसबेलामा युद्ध भइछाड्छ । 

चीन र अमेरिका दुवैका लागि ताइवान महत्त्वपूर्ण छ । चीनले ताइवानलाई नियन्त्रण गरेमा त्यहाँको अत्याधुनिक सेमीकन्डक्टर प्रविधि उसको हातमा पुग्छ । त्यसले अमेरिकाको प्राविधिक प्रभुत्वलाई क्षीण बनाउँछ , 

तर चीन युद्धमा हारेछ भने कम्युनिस्ट पार्टी नै छिन्नभिन्न हुन्छ । 

आफू युद्धमा हार्ने देखिएमा ताइवानले सेमीकन्डक्टर बेस ध्वस्त पार्नेछ । त्यो चीन र अमेरिका दुवैका लागि खतरनाक स्थिति हो । 

चीनले ताइवानमाथि आक्रमण गरेमा उसलाई बचाउन अमेरिका आउन सक्छ । तर ताइवानले चीनलाई भड्काएमा अमेरिकाले ताइवानलाई समर्थन गर्ने छैन । 

चीनले ताइवानलाई आफूमा विलय गरेमा एसिया प्रशान्त क्षेत्रको भूराजनीतिक समीकरण बदलिनेछ ।