काठमाडौं उपत्यका लगायतका क्षेत्रमा सोमवार बिहानैदेखि हल्का वर्षा भइरहेको छ ।

सोमवार बिहानैदेखि काठमाडौं, ललितपुर,  भक्तपुरका साथै अन्य क्षेत्रहरूमा पनि वर्षा हल्का वर्षा भइरहेको मौसम विभागले जनाएको छ ।

विभागका अनुसार अहिले नेपालमा तीन प्रकारका वायु चलायमान छन् । 

जसको प्रभावस्वरुप विगत केही दिनअघिदेखि वर्षा भइरहेको हो । 

हाल नेपालमा स्थानीय वायु, भारतको उत्तर प्रदेश, विहार आसपास रहेको न्यून चापीय रेखा र पश्चिमी वायुको प्रभाव रहेको छ ।

विभागले आज दिउँसो बागमती प्रदेश, गण्डकी प्रदेश, मधेश प्रदेश र प्रदेश १ मा आंशिकदेखि सामान्य बदली रहने र बाँकी भूभागमा मौसम सफा रहने जनाएको छ । 

बागमती प्रदेशसहित गण्डकी, मधेश र प्रदेश १ का थोरै स्थानमा वर्षाको सम्भावना रहेको समेत विभागले जननाएको छ । यी स्थानमा राति पनि पानी पर्ने सम्भावना रहेको विभागको भनाइ छ ।