जनकपुरधाम उपमहानगरपालिका उपप्रमुख किशोरी साहको घर डुबानमा परेको छ ।

भारी वर्षाका कारण जनकपुरधाम उपमहानगरपालिका जलमग्न हुँदा उपप्रमुख साहको घर पनि डुबानमा परेको हो ।

जनकपुरधाम उपमहानगरपालिका वडा नम्बर १० स्थित उपप्रमुख साहको घर र बेडरूममा समेत पानी पसेको छ । 

घर पुरानो भएको तथा प्रत्येक वर्ष पानी पर्दा नालाको पानी घरमा पस्ने गरेको उपप्रमुख साहले लोकान्तरलाई बताए ।

हरेक वर्ष यसै गरी घर डुबानमा पर्ने गरेको र लालकिशोर साह मेयर हुँदा समस्या लिएर गए पनि कुनै सुनुवाइ नगरिएको उनले गुनासाे गरे । 

अहिले आफू उपप्रमुख जितेपछि मेयर मनोज साहलाई भनेर नाला सफाइ गर्न लगाए पनि डुबान भने यथावत् रहेको उनको भनाइ छ । 

पानी पसेपछि परिवारका सदस्यहरू प्रभावित भएका छन् ।