निर्वाचन आयोगको टोलीले बुधवार प्रधानमन्त्री शेरबहादुर देउवालाई भेटेर मंसिर २ गते  प्रतिनिधि सभाको चुनाव गर्न प्रस्ताव गरेको छ । 

आगामी निर्वाचनको मिति प्रस्ताव गर्न प्रमुख निर्वाचन आयुक्त दिनेशकुमार थपलिया नेतृत्वको टोलीले प्रधानमन्त्री देउवासँग भेटघाट गरेको थियो । 

थपलियाका अनुसार मंसिर २ गते एकै चरणमा निर्वाचन गर्न प्रस्ताव गरेको बताए । तयारीमा १२० दिन चाहिने भएकाले सो मिति प्रस्ताव गरेको उनको भनाइ छ । 

जवाफमा प्रधानमन्त्री देउवाले स्थानीय तहको चुनाव शान्तिपूर्ण गरेकोमा आयोगलाई धन्यवाद दिए । साथै मंसिर २ कै सेरोफेरोमा एकै चरणमा तलमाथि नहुने गरी उपयुक्त मिति तोक्ने देउवाले बताएको प्रमुख निर्वाचन आयुक्त थपलियाले जानकारी दिए ।