मंगलवार बिहान प्रदेश १, बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशका थोरै स्थानहरूमा हल्का वर्षा भइरहेको जल तथा मौसम विज्ञान विभागले जनाएको छ ।

देशभर मनसुनी वायुको प्रभाव रहेकाले वर्षा निरन्तर भइरहेको विभागले जनाएको छ ।

मंगलवार बिहान एक बुलेटिन जारी गर्दै विभागले अहिले देशभर आंशिकदेखि सामान्य  बदली रहेको जनाएको छ । यो क्रम रातिसम्‍म नै रहने विभागको भनाइ छ ।

दिउँसो प्रदेश १, गण्डकी प्रदेश र लुम्बिनी प्रदेश, सुदूरपश्चिम प्रदेशको एक वा दुई स्थानमा भारी वर्षाको समेत सम्भावना रहेको विभागले जनाएको छ ।

यस्तै राति सुदूरपश्चिम प्रदेशको एक वा दुई स्थानमा भारी वर्षाको पनि सम्भावना रहेको विभागको भनाइ छ ।