कांग्रेस नेता प्रदीप पौडेलले एमालेको अर्थ र योजना विभागको सदस्य रहेका एम अधिकारीका विषयमा सम्बन्धित पार्टीले सार्वजनिक गर्नुपर्ने बताएका छन् । 

मंगलवार ट्वीटरमार्फत् उनले महाप्रसाद अधिकारी हुन् भने एम अधिकारी को हुन् भन्ने एमालेले सार्वजनिक गर्नुपर्ने बताएका हुन् । 

‘महाप्रसाद गभर्नर हुन् भने एम अधिकारी को हुन् ? एमालेले सार्वजनिक गरोस् । कार्यकर्ता भएर ल्याइने मौद्रिक नीतिले लक्ष्य भेटाउन सक्दैन, यो तथ्य पछिल्लो एमाले सरकारको काम हेरेर पुष्टि हुन्छ,’ उनले लेखेका छन्, ‘चुलिँदो आर्थिक तरलतालाई फास्ट ट्रयाकमा हल गर्न र नागरिकका दैनिक समस्या सम्बोधन गर्न लचक हुनुपर्दछ ।’

यस्तै संसदमा पनि एम अधिकारीको विषय उठेको छ । गभर्नर अधिकारी एमालेको अर्थ र योजना विभागको सदस्य रहेको बाहिर आएपछि सांसदहरूले उनीमाथि छानबिन र कारबाहीको माग गरेका छन् । 
 

महाप्रसाद गभर्नर हुन् भने एम अधिकारी को हुन्? एमालेले सार्वजिक गरोस्।कार्यकर्ता भएर ल्याइने मौद्रिक नीतिले लक्ष्य भेटाउन सक्दैन,यो तथ्य पछिल्लो एमाले सरकारको काम हेरेर पुष्टि हुन्छ।चुलिँदो आर्थिक तरलतालाई फास्ट ट्रयाकमा हल गर्न र नागरिकका दैनिक समस्या सम्बोधन गर्न लचक हुनुपर्दछ।

— Pradip Paudel (@paudelpradipNC) July 13, 2022