भीम रावलको प्रश्नः विदेशीको भूमिका नभए प्रचण्ड–आरजुबीच विदेशमा बैठक किन ?

एमाले नेता भीम रावलले माओवादी केन्द्रका अध्यक्ष प्रचण्ड र प्रधानमन्त्री शेरबहादुर देउवा पत्नी तथा काँग्रेस केन्द्रीय सदस्य आरजु राणाबीच दिल्लीमा भएको बैठकबारे प्रश्न उठाएका छन् । हाल प्रचण्ड र आरजु दुबै दिल्लीमा रहेको बेलामा दुई जनाबीच भएको बैठकबारे रावलले प्रश्न उठाएका हुन् । 
उनले प्रचण्ड र आरजुबीचको भेटलाई रावलले आन्तरिक मामिलामा बाह्य हस्तक्षेप निम्त्याउने खेलको रुपमा टिप्पणी गर्दै विदेशीको भूमिका नभए बैठक विदेशमा किन ? भन्ने प्रश्न गरेका छन् । 
‘चिनियाँ कम्युनिस्ट पार्टी विदेश विभाग प्रमुखसँग भेटवार्ता गरेको चार दिनमै पुष्पकमल दाहालले दिल्ली  गएर प्रम पत्नी आरजुसँग बैठक गरेको समाचार आयो। विदेशीको भूमिका नभए बैठक विदेशमा किन ? आन्तरिक मामिलामा वाह्य हस्तक्षेप निम्त्याउने खेल। यो राष्ट्रिय स्वाभिमान, मर्यादा र प्रणाली विरूद्ध ’, उनले ट्वीटरमा भनेका छन् ।