सोमवार बिहान कर्णाली प्रदेशका थोरै  स्थानहरूमा  हल्का  वर्षा भइरहेको छ।

जल तथा मौसम विभागका अनुसार सो क्षेत्रमा बिहानदेखि नै हल्का वर्षा भइरहेको हो । 

हाल मनसुनको न्यून चापीय रेखा सरदर स्थानभन्दा दक्षिणमा अवस्थित रहेको विभागले जनाएको छ ।

हाल प्रदेश १, गण्डकी प्रदेश, कर्णाली प्रदेश र सुदुरपश्चिम प्रदेशमा सामान्य बदली रहेको विभागको भनाइ छ ।

विभागका अनुसार सोमवार दिउँसो देशभर आंशिकदेखि सामान्य बदली रहनेछ। 

देशका पहाडी भू-भागका केही र बाँकी भू-भागका थोरै स्थानहरूमा मेघ गर्जन/चट्याङ्ग सहित हल्कादेखि मध्यम वर्षाको सम्भावना रहेको विभागले जनाएको छ । प्रदेश १ का एक-दुई स्थानमा भारी वर्षाको सम्भावना रहेको विभागले जनाएको छ।

सोमवार राति प्रदेश १ र बाग्मती प्रदेशका केही तथा बाँकी भू-भागका थोरै स्थानहरूमा मेघ गर्जन/चट्याङ्ग सहित हल्का देखि मध्यम वर्षाको सम्भावना रहेको छ । 

प्रदेश १ र बागमती प्रदेशका का एक-दुई स्थानमा भारी वर्षाको सम्भावना रहेको विभभागले जनाएको छ।