नेकपा एमालेको पोलिटब्युरो बैठक बिहीवार बस्दैछ ।

ललितपुरको च्यासलस्थित पार्टी मुख्यालयमा बिहीवार बिहान ११ बजे बैठक बस्ने एमाले प्रचार तथा प्रकाशन विभाग उपप्रमुख विष्णु रिजालले जानकारी दिए ।

बैठकमा पार्टी अध्यक्ष केपी शर्मा ओलीले शुक्रवार केन्द्रीय कमिटीमा पेश गर्ने राजनीतिक प्रतिवेदनबारे जानकारी गराउनेछन् । भदौ १० र ११ गते पार्टीको केन्द्रीय कमिटी बैठक बस्ने भएको छ । 

भदौ ७ गते बसेको स्थायी कमिटी बैठकले केन्द्रीय कमिटी बैठकको एजेण्डा तय गरेको थियो ।