सरकारका प्रवक्तासमेत रहेका सञ्चार तथा सूचना प्रविधिमन्त्री ज्ञानेन्द्रबहादुर कार्कीले राष्ट्रपति विद्यादेवी भण्डारीले राजीनामा गर्नेबारे आफूलाई जानकारी नभएको बताएका छन् । 

बिहीवार प्रधानमन्त्री निवास बालुवाटारमा बसेको सत्ता गठबन्धनको बैठकपछि पत्रकारहरूले सोधेको एक प्रश्नको जवाफमा मन्त्री कार्कीले प्रतिक्रिया दिन अस्वीकार गरेका हुन् । ‘यस विषयमा मलाई भन्दा अन्य नेतासँग सोध्नुहोला’, कार्कीले भने । प्रतिनिधि सभाबाट पारित नागरिकता विधेयक पुनर्विचारका लागि पठाइएकोमा जस्ताको जस्तै पारित भएपछि राष्ट्रपतिले राजीनामा दिने चर्चा चलिरहेको छ ।

बिहीवार बसेको सत्ता गठबन्धनको बैठकमा राष्ट्रपतिको सम्भावित राजीनामाको कदमबारे छलफल भएको थियो ।