नेपाल स्टक एक्सचेञ्ज लिमिटेड र सानिमा बैंक लिमिटेडबीच ऋणपत्र सूचीकरण गर्ने सम्झौता भएको छ । मंगलवार १०.२५ प्रतिशत व्याजदर र १० वर्ष अवधि भएको १०.२५ प्रतिशत सानिमा डिबेन्चर २०८९ को क्रमसंख्या १ देखि ५० लाखसम्मको अंकित तथा चुक्ता मूल्य रु. १ हजार कायम भएको कुल ५० लाख कित्ता थान ऋणपत्रको सूचीकरण गर्ने सम्झौता सम्पन्न भएको हो । 

कम्पनीले सर्वसाधारण समक्ष आरबीबी मर्चेन्ट बैंकिङ लिमिटेड (धितोपत्र निष्काशन तथा बिक्री प्रबन्धक कम्पनी)मार्फत उक्त ऋणपत्र सर्वसाधारणको लागि खुला बिक्री आव्हान गरेको थियो । सर्वसाधरणमा वितरण गरिएको ५० लाख थान ऋणपत्र धितोपत्र सूचीकरण विनियमावली, २०७५ बमोजिम भदौ ६ गतेको निर्णयानुसार स्टक एक्सचेञ्ज लिमिटेडमा सूचीकरण गरिएको थियो । 

मंगलवार स्टक एक्सचेञ्ज लिमिटेडमा उक्त कम्पनीको १०.२५ प्रतिशत व्याजदर र १० वर्ष अवधि भएको  सानिमा डिबेन्चर दोस्रो बजारको कारोबार शुरु हुनेछ ।