नेपाली कांग्रेसका युवा नेता प्रदीप पौडेलले तनहुँ क्षेत्र नम्बर २ बाट चुनाव लड्ने गरी आवेदन दिएका छन् ।

क्षेत्रीय कार्यसमितिले चुनाव लड्न इच्छुकबाट आवेदन माग गरेपछि पौडेलले बुधबार तनहुँ–२ स्थित प्रतिनिधि सभा क्षेत्रबाट चुनाव लड्न आवेदन दिएका हुन् ।

२०७४ सालको निर्वाचनमा प्रदेश सभाको उम्मेदवार बनेका पौडेल झिनो मतान्तरले तत्कालिन नेकपाको गठबन्धनसँग पराजित भएका थिए । 

पार्टीको १४ औं महाधिवेशनमा केन्द्रीय महामन्त्रीको उम्मेदवार बनेका पौडेल पराजित भएका थिए । उनी अहिले कांग्रेसको केन्द्रीय सदस्य छन् ।

तनहुँ–२ बाटै ध्रुव वाग्ले र जितप्रकाश आलेले पनि आधिकारिक उम्मेदवारीको दावी गर्दै क्षेत्रीय कार्यसमितिमा निवेदन दर्ता गरेका छन् । 

त्यसबाहेक, तनहुँ–१ बाट कांग्रेस नेता रामचन्द्र पौडेलसहित ४ जनाले उम्मेदवारीका लागि निवेदन दिएका छन् ।