सत्ता गठबन्धनमा आबद्ध दलका शीर्ष नेताहरुसहितको बैठक निष्कर्षविहीन भएको छ । सिट बाँडफाँटका लागि सहमति जुटाउन बुधबार साँझ प्रधानमन्त्रीको सरकारी कार्यालय बालुवाटारमा बसेको बैठक निष्कर्षविहीन भएको हो । 

बैठकमा दलका नेताहरु आ–आफ्नो दाबीमा टसमस भएपछि सहमति जुट्न नसकेको हो ।  राष्ट्रिय जनमोर्चाका सचिव हिमलाल पुरीले बैठकमा कुनै प्रगति नभएको बताए ।   तालमेल गर्दा काँग्रेसले १०० सिटमा दाबी गरेको छ भने   माओवादीले ६०, नेकपा एकीकृत समाजवादीले ४०, जसपाले ३२ र जनमोर्चाले २ सिट मागेको छ। सो दाबीमा दलहरु कायमै रहेपछि बैठक बिहीबार पुनः बसेर सहमति जुटाउन प्रयास गरिने बताइएको छ । 
कार्यदल बैठकमा पनि सहमति हुन नसकेपछि आज शीर्ष तहकै बैठक बसेको हो ।