बुधवार बिहान ११ बजे बस्ने भनिएको प्रतिनिधि सभाको बैठक अन्तिम समयमा आएर सरेको छ ।

बैठक बुधवार दिउँसो १ बजेको लागि सारिएको प्रतिनिधि सभाको सचिव गोपालनाथ योगीले जानकारी दिएका छन् । 

यसअघि निर्धारण भएको समयमा विशेष कारणवश बैठक बस्न नसक्ने भएकाले दिउँसो १ बजेलाई सारिएको सचिव योगीले सूचना जारी गरेर जानकारी दिएका छन् । 

आज बस्ने बैठकमा सभामुख अग्निप्रसाद सापकोटाले राष्ट्रपतिको कार्यालयबाट प्राप्त विधेयक प्रमाणीकरण सम्बन्धी पत्र पढेर सुनाउने सम्भावित कार्यसूची छ । 

यस्तै आजकै बैठकमा गृहमन्त्री बालकृष्ण खाँणले ‘कारागार विधेयक, २०७८ माथि राष्ट्रिय सभाबाट भएको संशोधनमाथि विचार गरियोस्’ भनी प्रस्ताव प्रस्तुत गर्ने सम्भावित कार्यसूची छ ।