वाणिज्य बैैंकहरूले दशैंको महिना लागेपछि अर्थात असोजबाट ब्याजदर बढाउने भएका छन् । हाल बैंकहरूले दिइरहेको भन्दा डेढ प्रतिशत विन्दूसम्मले ब्याजदर बढ्ने भएको छ ।

बिहीवार बसेको नेपाल बैंकर्स संघको बैठकले बैंकहरूलाई ब्याजदर बढाउन दिने निर्णय गरेको छ । यसअघि बैैंकहरूले तरलता अभाव भएको र ब्याज बढाउँदा बैंकको लागत मात्रै बढ्ने भन्दै भद्र सहमति गरेर ब्याजदर प्रायः सबैको एउटै ११.०३ प्रतिशतसम्म कायम गरेका थिए ।

बैंकहरूले बढाउने ब्याजदर बढाउँदा पनि अघिल्लो महिनाको भन्दा १० प्रतिशतसम्मले मात्रै ब्याजदर बढाउन पाउने छन् । यसरी बढाउँदा व्यक्तिगत मुद्दती निक्षेपको ब्याजदर १२.१३ प्रशित पुग्ने भएको छ । यस्तो ब्याजदर रेमिट्यान्स बचतमा भने १३ प्रतिशत पुग्ने भएको छ । हाल रेमिट बचतमा ११.०३ प्रतिशत ब्याजदर बैंकहरूले दिइरहेका छन् । बैंकहरूले पछिल्लो ६ महिनादेखि भद्र सहमति गरेर ब्याजदर स्थिर राखेका थिए ।