नेपाली सेनाले खोँचमा खसेका एक व्यक्तिको उद्धार गरेको छ । दोलखाको कालिन्चोक गाउँपालिका–३ स्थायी घर भई हाल सिन्धुपाल्चोक, हेलम्बु गाउँपालिका–१ स्थित सर्कथली आधारभूत विद्यालयमा कार्यरत शिक्षक वर्ष ३७ का केशव सिवाकोटीको उद्धार गरेको हो । 

उनी शनिवार स्थानीय छ्यादी खोलामा नुहाउने क्रममा चिप्लिएर करिब २०० मिटर तल खोँचमा खसेका थिए । उनलाई आइतवार दिउँसो नेपाली सेनाले हेलिकप्टरमार्फत उद्धार गरेको हो । 

उद्धारपछि सिवाकोटीलाई उपचारका लागि काठमाडौं ल्याइएको नेपाली सेनाले जनाएको छ । उनको अवस्था सामान्य रहेको बताइएको छ ।