×

X
Nic Asia
Dabur
Prabhu Bank

प्रतिनिधिसभा निर्वाचन

चर्चामा रहेका १९ 'हट सीट'– शीर्ष नेताहरू को कति सुरक्षित ?

झापामा ओली, गोरखामा प्रचण्डदेखि डडेल्धुरामा देउवासम्म 'सेफ जोन'मा

काठमाडाैं | कात्तिक १४, २०७९

NTC
Argakhanchi Cement
Premier Steels
TVS INSIDE

मंसिर ४ गते हुने प्रतिनिधिसभा निर्वाचनमा भोट हाल्नका लागि तीन हप्ताको समय बाँकी रहँदा देशभर चुनावी रौनक बढेको छ ।

yONNEX
LAxmi BAnk
nabil BANK inside

कात्तिक १७ गतेदेखि मात्र उम्मेदवारले झण्डा लिएर औपचारिक रूपमा घरदैलो शुरू गर्न पाउने भए पनि मनोनयनदेखि नै उम्मेदवारले निर्वाचन क्षेत्रमा अभियान चलाइरहेका छन् ।


Advertisment
NMB BANK
RMC TANSEN
NIC ISLAND BOX

पाँच वर्षमा एकपटक मतदाता रिझाउन नेताहरू जनताको घरदैलो र खेतबारीमा पुगेका छन् ।

प्रतिनिधिसभाका १ सय ६५ निर्वाचन क्षेत्रमै चुनावी चहलपहल बढे पनि शीर्ष र प्रभावशाली नेता रहेका केही क्षेत्रको नतिजालाई देशले नै नियालिरहेको छ । 


Advertisment
Saurya island

मंसिर ४ को चुनावमा चर्चामा रहेका र धेरैले नजर लगाएका २० ‘हट सीट’को मोटामोटी चुनावी हिसाबको यहाँ विश्लेषण गरिएको छ ।

प्रमुख दलका शीर्ष नेता र भावी प्रधानमन्त्रीका दाबेदारसहित पार्टीमा प्रभाव राख्ने नेताहरूलाई ‘हट सीट’मा राखिएको छ । 

Vianet communication
IME BANK INNEWS

विश्वप्रकाश–अग्नि खरेल (झापा– १)

नेपाली कांग्रेसका महामन्त्री विश्वप्रकाश शर्मा उम्मेदवार रहेको झापा– १ यसपटकको चुनावमा चासोका साथ हेरिएको निर्वाचन क्षेत्र हो । विश्वप्रकाशसँग प्रतिस्पर्धा गर्दैछन्, एमालेका अग्नि खरेलले ।

केपी ओली सरकारमा महान्यायाधिवक्ता रहेका खरेल चुनावी तयारीका लागि भन्दै बीचमै राजीनामा गरेर झापा झरेका थिए । झापा– २ बाट चुनाव लड्न चाहेका खरेलले अन्तिममा १ बाट टिकट पाए । 

झापा– १ मा एमालेका रविन कोइराला प्रतिनिधिसभातर्फ उम्मेदवार बन्न आकांक्षी थिए । मेचीनगर नगरपालिकाको मेयर र २०७० सालका संविधानसभा सदस्य निर्वाचित कोइरालाले केन्द्रमा टिकट पाएनन् । 

२०७४ सालको चुनावमा माओवादीको भागमा परेको झापा– १ बाट राम कार्की विजयी भएका थिए । झापाका सडकलाई ‘अफ्रिकन सुन्दरीका गाला’ जस्तै चिल्ला बनाउने नारा लिएर चुनाव लडेका कार्कीले यसपटक टिकट पाएनन् । पाँच वर्षअघि २०७४ सालमा एमालेको समर्थनमा कार्कीले ३६ हजार १ सय ७३ मत प्राप्त गर्दा शर्माले ३३ हजार ३ सय १० मत प्राप्त गरेका थिए । 

वैशाखमा सम्पन्न स्थानीय तह निर्वाचनमा वडातहको मतका आधारमा झापा– १ मा एमाले अगाडि छ । एमालेले ३१ हजार २३२ मत पाउँदा कांग्रेसले २४ हजार ५९ मत पाएको थियो । झापा– १ मा राप्रपा तेस्रो स्थानमा छ । राप्रपाले ५ हजार ९२२ मत पाउँदा माओवादीले ३ हजार ९०५ र नेकपा एसले १ हजार २५२ मत प्राप्त गरेका थिए । 

स्थानीय तह निर्वाचन र प्रतिनिधिसभाको सन्दर्भ फरक हुने भएकाले स्थानीय तहको मतलाई मात्र आधार मान्न सकिँदैन । काठमाडौंबाट समेत चुनाव लड्न प्रस्ताव आएपनि शर्माले झापा नछाड्ने बताएका थिए । झापाबाट निर्वाचित भएर इतिहास रच्ने दाउमा शर्मा लागेका छन् । स्थापित वकिल, संविधानसभाका सदस्य र पूर्व कानूनमन्त्री समेत रहेका अग्नि खरेल तथा विश्वप्रकाश शर्माको भिडन्तले झापा– १ को चुनावी मैदान रंगिएको छ ।

राजेन्द्र लिङ्देन र कृष्ण रिटौला (झापा– ३)

प्रतिनिधिसभाको कार्यकाल लम्ब्याउने तयरीको विरोधमा सांसद पद त्याग गरेर हिँडेका राप्रपा अध्यक्ष राजेन्द्र लिङ्देन र नेपाली कांग्रेसका प्रभावशाली नेता कृष्ण सिटौलाबीच मुख्य प्रतिस्पर्धा रहेको झापा– ३ को चुनावी भिडन्तलाई बाहिरबाट समेत उत्सुकतापूर्वक नियालिएको छ ।

राजनीतिका चतुर खेलाडी कमल थापालाई राप्रपा अध्यक्षमा पराजित गरेर लिङ्देन चर्चामा आएका थिए । त्यसैमाथि ‘नेताहरू गाउँ जाँदा चोर आयो भन्छन्’ भन्ने अभिव्यक्ति दिएर उनले चर्चा बटुलेका थिए । २०७४ सालको प्रतिनिधिसभामा पूर्वपञ्चको पार्टी राप्रपाको तर्फबाट बिउ जोगाएका लिङ्देन यसपटक पनि नेकपा एमालेको समर्थनमा संसदमा आउने योजनामा छन् । 

केपी ओलीको गृहजिल्ला झापामा लिङ्देनले एमालेसँग चुनावी तालमेल गरेका छन् । सत्ता गठबन्धनका तर्फबाट नेपाली कांग्रेसका नेता कृष्ण सिटौला प्रतिस्पर्धामा छन् । ‘मार्सी’ उपनामले चिनिने मेडिकल कलेज सञ्चालक दुर्गा प्रसाईं समेतले ताकेको झापा– ३ मा रवि लामिछानेको पार्टीबाट प्रकाश पाठक पनि उम्मेदवार छन् । २०७४ सालको चुनावमा एमाले समेतको समर्थनमा लिङ्देनले ४४ हजार ६ सय १६ मत प्राप्त गर्दा सिटौलाले ३१ हजार १ सय ७१ मत प्राप्त गरेका थिए । 

सत्ता गठबन्धनका सीटको बाँडफाड मिलाउने जिम्मा पाएका सिटौलालाई यसपटक माओवादीका पूर्णसिंह राजवंशीको साथ छ । उनी सिटौलाकै प्यानलबाट प्रदेशसभामा उम्मेदवार छन् । २०६४ सालको संविधानसभा निर्वाचनमा बहालवाला गृहमन्त्री सिटौलालाई पराजित गरेर राजवंशी चर्चामा आएका थिए । 

स्थानीय तह निर्वाचनको वडागत मतको आधारमा झापा– ३ मा कांग्रेसले २५ हजार ९४९ प्राप्त गर्दा दोस्रो स्थानमा रहेको राप्रपाले २१ हजार १५९ मत पाएको थियो । तेस्रो स्थानमा रहेको एमालेले २१ हजार ८५ मत पाउँदा माओवादीले ६ हजार ६८८ मत प्राप्त गरेको थियो । एमालेको समर्थनमा लिङ्देन जीत दोहोर्‍याउने अभियानमा छन् भने माओवादीसहितको गठबन्धनको बलमा विगतको हारको बदला लिने प्रयासमा सिटौला देखिन्छन् ।

केपी ओली र खगेन्द्र अधिकारी (झापा– ५)

मंसिर ४ गते हुने चुनावपछिको प्रधानमन्त्रीका रूपमा एमालेबाट अघि सारिएका अध्यक्ष केपी शर्मा ओलीले प्रतिस्पर्धा गरेको झापा– ५ को चुनावी रौनकलाई देशभरबाट चासोका साथ हेरिएको छ । २०६४ सालको संविधानसभा निर्वाचनलाई अपवाद मान्दा ओली झापाबाट अविजित रहँदै आएका छन् । सत्ता गठबन्धनले भावी प्रधानमन्त्रीको रूपमा कसैको नाम अगाडि सार्न नसकेपनि एमाले ओलीलाई नै प्रधानमन्त्री बनाउने निर्णय गरेर चुनावमा होमिएको छ । 

राप्रपासँग चुनावी तालमेल गरेका ओली चुनाव जित्नेमा ढुक्क जस्तै देखिएका छन् । तिहारअघिदेखि नै ओलीले चुनावी अभियानलाई तीव्र बनाएका छन् । 

२०७४ सालको प्रतिनिधिसभा निर्वाचनमा कांग्रेस उम्मेदवार डा. खगेन्द्र अधिकारीलाई झण्डै दोब्बर मतान्तरले पराजित गर्दै ओली विजयी भएका थिए । 

ओलीले ७५ हजार १ सय ३९ मत पाउँदा कांग्रेसका अधिकारीले २८ हजार २ सय ९७ मत पाएका थिए । 

विगतमा ओलीसँग एक्लै लडेका अधिकारीले यसपटक माओवादीको साथ पाएका छन् । २०६४ सालमा ओलीलाई पराजित गरेरका विश्वदीप लिङ्देन पनि अहिले कांग्रेसमा सक्रिय छन् । अधिकारीले आफू विगतको घाइते उम्मेदवार रहेकाले यसपटक जनताको सहानुभूति पाउने विश्वास व्यक्त गरेका छन् । 

गत स्थानीय तह निर्वाचनमा वडा तहमा पाएको मतलाई विश्लेषण गर्दा एमाले एक्लैको बहुमत छ । एमालेले ४१ हजार ६१९ मत प्राप्त गर्दा कांग्रेसले २२ हजार २२ तथा  माओवादीले १० हजार ७८८ मत पाएका थिए । चौथो स्थानमा रहेको राप्रपाले ८ हजार ३५३ मत पाउँदा नेकपा एसले १ हजार ९८८ मत पाएका थिए । यही क्षेत्रबाट लेखक युग पाठकले स्वतन्त्र उम्मेदवारी दिएका छन् । 

शेखर कोइराला लालबाबु पण्डित (मोरङ– ६)

नेपाली कांग्रेसको नेतृत्वमा दाबी पेश गरेका डा. शेखर कोइरालाले प्रतिस्पर्धा गरेको मोरङ– ६ पनि चर्चामा छ । 

सरकारको नेतृत्वकर्ता दल नेपाली कांग्रेसमा संस्थापनइतर खेमाको नेतृत्व गरिरहेका कोइरालासँग एमालेका नेता लालबाबु पण्डितले प्रतिस्पर्धा गर्दैछन् । 

२०७४ सालको प्रतिनिधिसभा निर्वाचनमा माओवादीको समेत समर्थन प्राप्त गरेका एमाले उम्मेदवार पण्डितले कोइरालालाई पराजित गरेका थिए । वामपन्थी गठबन्धनका उम्मेदवार पण्डितले ३३ हजार ९ सय ४१ मत पाउँदा कोइरालाले ३३ हजार २ सय ६६ मत पाएका थिए । 

६ सय ७५ मतको झिनो अन्तरले पराजित भएका शेखर विगतको हारको बदला लिने रणनीतिमा छन् । 

विराटनगर महानगरपालिकामा जितेका कारण कोइराला यसपटक चुनाव जित्नेमा विश्वस्त छन् । 

कांग्रेस आफैंमा बलियो रहेकोमा माओवादी र एसको समेत समर्थनले चुनाव जित्नेमा उनी ढुक्क देखिएका हुन् ।

गत स्थानीय तह निर्वाचनमा वडातहमा पाएको मतका आधारमा कांग्रेसको बहुमत छ । तेस्रो स्थानमा रहेको माओवादी र नेकपा एसको समेत समेत भोट पाउँदा कोइराला सहज अवस्थामा छन् । 

नेपाली कांग्रेसले २७ हजार ८६ मत प्राप्त गर्दा एमालेले २४ हजार ५५६ मत प्राप्त गरेको थियो । माओवादीले ४ हजार ९९६ मत प्राप्त गर्दा जसपाले ३ हजार ९३९ र नेकपा एसले २ हजार ३५५ मत पाएका छन् । 

उपेद्र यादव, सीके राउत र जयप्रकाश ठाकुर (सप्तरी– २)

उम्मेदवारी मनोनयनको पूर्वसन्ध्यामा सत्ता गठबन्धन छाडेर नेकपा एमालेसँग चुनावी तालमेल गरेका जसपा अध्यक्ष उपेन्द्र यादव लडेको निर्वाचन क्षेत्र सप्तरी– २ मधेश प्रदेशकै हट निर्वाचन क्षेत्र मध्येको एक हो । 

पृथकतावादी राजनीति त्यागेर मूलधारको राजनीतिमा आएका डा. सीके राउत र लोसपाका जयप्रकाश ठाकुर पनि यही क्षेत्रमा उम्मेदवार छन् । 

उपेन्द्र, सीके र जेपीबीच यो क्षेत्रमा त्रिपक्षीय प्रतिस्पर्धाको आकलन गरिएको छ । सत्ता गठबन्धनका तर्फबाट लोसपाका ठाकुर साझा उम्मेदवार छन् । 

२०७४ सालको प्रतिनिधिसभा निर्वाचनमा माओवादीका उमेशकुमार यादवलाई पराजित गरेर उपेन्द्र विजयी भएका थिए । भर्खरै सम्पन्न स्थानीय तह निर्वाचनको मतले गर्दा उपेन्द्र यादवलाई अप्ठ्यारो पर्ने विश्लेषण भइरहेको छ । 

स्थानीय तहको वडाहतको मतका आधारमा जसपा अगाडि छ । तर दोस्रो, तेस्रो र चौथो दल एक ठाउँमा उभिँदा उपेन्द्रलाई अप्ठ्यारो पर्ने विश्लेषण भइरहेको छ । 

स्थानीय तह निर्वाचनमा सप्तरी– २ मा जसपाले १४ हजार ४०३, नेपाली कांग्रेसले १० हजार ८०७, लोसपाले १० हजार ४३५ र माओवादीले ९ हजार ५३४ मत पाएका थिए । साथै, नेकपा एमालेले ५ हजार ९५१, जनमत पार्टीले ४ हजार ५४२, नेकपा एसले २ हजार ४०८ मत प्राप्त गरेका छन् । 

स्थानीय तह निर्वाचनको मत एउटा आधार भएपनि प्रतिनिधिसभामा उम्मेदवारको प्रभाव महत्त्वपूर्ण फ्याक्टर हुने गरेको छ । स्थानीय तह निर्वाचनमा पार्टीले अपेक्षित नतिजा ल्याउन नसकेपनि अध्यक्ष सीके राउतले उपेन्द्रले जितेको क्षेत्र नै रोजेका छन् । सीकेको जन्मथलो पनि यही क्षेत्रमा पर्छ । उपेन्द्रले निर्वाचन क्षेत्र फेरिराख्ने भएपनि आफू जन्मथलो नछाड्ने सीकेले बताएका छन् ।

कांग्रेस र माओवादीको समर्थन रहेका कारण लोसपाका तर्फबाट गठबन्धनका साझा उम्मेदवार जेपी ठाकुरको पल्लाभारी हुने एकथरीको विश्लेषण छ । 

२०६४ सालको संविधानसभादेखि लगातार चुनाव जित्दै आएका उपेन्द्रको अग्निपरीक्षाका कारण सप्तरी– २ चर्चाको शिखरमा छ । यादव जसपाको संगठन, एमालेको समर्थन र आफ्नो व्यक्तिगत प्रभावका मत समेतका कारण चुनाव जित्नेमा ढुक्कजस्तै छन् । 

महन्थ र हरिनारायण (महोत्तरी– ३)

कार्यकाल सकिएको प्रतिनिधिसभाको ज्येष्ठ सदस्य रहेका महन्थ ठाकुर यसपटक चुनाव लड्ने/नलड्ने अन्यौल थियो । क्षेत्रीय राजनीतिको साख समाप्त भएर लोसपाको राजनीतिक यात्रा ओरालो लागेको अवस्थामा महन्थ चुनाव लड्दैनन् भन्ने अनुमान गरिएको थियो । 

छोरी मीनाक्षी ठाकुरको नाम समानुपातिकको पहिलो नम्बरमा राखिएका कारण महन्थले चुनाव लड्दैनन् भन्ने विश्लेषण भएको थियो । 

उपेन्द्रको बहिर्गमनसँगै लोसपाले सत्ता गठबन्धनको समर्थन प्राप्त गरेपछि महन्थ चुनाव लड्न राजी भए । 

सत्ता गठबन्धनसँगको तालमेलमा महन्थ महोत्तरी– ३ बाट सझा उम्मेदवार बने । महन्थलाई टिकट दिएर आफूमाथि अन्याय गरिएको भन्दै नेकपा माओवादी केन्द्रका रामकुमार शर्माले पार्टी त्याग्नेसम्मको घोषणा गरे । 

महन्थको पार्टी तमलोपाबाटै चुनाव जितेका शर्माले महन्थलाई ‘प्रमाणित विदेशी दलाल’ भन्दै आरोपित गरे । 

प्रतिनिधिसभा विघटनको निर्णयमा एमाले अध्यक्ष केपी ओलीलाई साथ दिएका महन्थ एमालेसँग चुनावी तालमेल गर्ने प्रयास गरेपनि अन्तिममा सत्ता गठबन्धनको शरणमा पुगे । सत्ता गठबन्धनको साथ लोसपाका लागि अभयदान जस्तै भएको विश्लेषण मधेशमा भइरहेको छ । 

२०७४ सालको प्रतिनिधिसभा निर्वाचनमा एमाले उम्मेदवार विजयकुमार चौधरीलाई फराकिलो मतान्तरले पराजित गर्दै महन्थ विजयी भएका थिए । 

स्थानीय तह निर्वाचनको मत विश्लेषणको आधारमा महोत्तरी– ३ मा लोसपाभन्दा जसपा अगाडि छ । 

जसपाले १४ हजार ३५७ मत पाउँदा लोसपाले १२ हजार ७३५ मत पाएको थियो । नेकपा एमालेले १० हजार ८२० मत पाउँदा कांग्रेसले ९ हजार ४३, माओवादीले ५ हजार १९५ र एसले २ हजार ५७० मत पाएका थिए । 

महेन्द्र यादव–राजेन्द्र महतो–राजनारायण साह (सर्लाही– २)

सत्ता राजनीतिका चतुर खेलाडी राजेन्द्र महतोका कारण सर्लाही क्षेत्र नम्बर २ फेरि चर्चामा छ । 

२०७४ सालको प्रतिनिधिसभा निर्वाचनमा सर्लाही छाडेर धनुषा पुगेका महतो यसपटक फेरि गृहजिल्ला फर्केका छन् । २०७४ सालमा तत्कालीन राजपाबाटै चुनाव जितेका महिन्द्र राय यादवसँग प्रतिस्पर्धा गर्न महतो सर्लाही फर्केका हुन् । 

अघिल्लो निर्वाचनमा कांग्रेसका प्रभावशाली उम्मेदवार एवं तत्कालीन गृहमन्त्री विमलेन्द्र निधिलाई पराजित गरेर महतो चर्चामा आएका थिए । सत्ता गठबन्धनबीच चुनावी तालमेल हुँदा माओवादीको हँसिया हतौडा चिह्नबाट महिन्द्र राय यादव साझा उम्मेदवार छन् ।

डा. बाबुराम भट्टराईको पार्टीले पाएका २ सीटमध्ये सर्लाही २ मा यादव उम्मेदवार छन् । पार्टी सत्ता गठबन्धनमा रहे पनि महतोको क्षेत्रमा मित्रवत प्रतिस्पर्धाको सहमति छ । गठबन्धनले महिन्द्रलाई आधिकारिक उम्मेदवार मानेको छ ।

२०७४ सालको प्रतिनिधिसभा निर्वाचनमा कांग्रेस उम्मेदवार जंगीलाल रायलाई पराजित गर्दै महिन्द्र रायले चुनाव जितेका थिए । महिन्द्रले २९ हजार १ सय ९१ मत पाउदा जंगीलालले १८ हजार ९ सय ७६ मत पाएका थिए । स्थानीय तह निर्वाचनको वडा तहको मतका आधारमा सर्लाही– २ मा कांग्रेसको बढी मत छ ।

कांग्रेसले २४ हजार ६२० मत पाउँदा जसपाले १९ हजार ६४२ र लोसपाले १२ हजार ३६६ मत पाएको थियो । माओवादीले ७ हजार ७३७ र एमालेले ७ हजार ६७९, जनमत पार्टीले ३ हजार ४२ तथा नेपपा एसले २ हजार २२१ मत पाएका थिए । सत्ता गठबन्धनमै रहेका दुई उम्मेदवार र एमाले उम्मेदवारबीचको त्रिपक्षीय भिडन्तका कारण सर्लाही– २ को राजनीतिक माहोल तातेको छ ।

माधव नेपाल र अजयकुमार गुप्ता (रौतहट– १)

शेरबहादुर देउवाको नेतृत्वमा सरकार गठनमा निर्णायक मानिएका माधव नेपाललाई भावी प्रधामनन्त्रीको एकजना दाबेदारको रूपमा हेर्ने गरिएको छ । 

सत्ता गठबन्धनले हालै देशका विभिन्न ठाउँमा गरेको सभाका क्रममा देउवाले ‘अहिले पो म प्रधामनन्त्री छु, भोलि प्रचण्ड र माधवजी पनि हुनुहुन्छ’ भनेर अभिव्यक्ति दिएका थिए । मंसिर ४ को चुनावमा सत्ता गठबन्धनले बहुमत ल्याएर यही गठबन्धन कायम रहेको अवस्थामा कुनै कालखण्डमा सरकारको नेतृत्वमा माधव नेपालको दाबी पनि रहने विश्लेषण गरिएको छ ।

यसअघि चुनाव जितेको काठमाडौं– २ छाडेर रौतहट– १ मा ओर्लिएका माधव नेपालसँग मुख्य प्रतिस्पर्धा विगतमा उनकै कार्यकर्ता रहेका अजयकुमार गुप्तासँग हुने देखिन्छ । स्थानीय तह निर्वाचनमा गठबन्धनले पाएको मतले माधव नेपाललाई सहज देखाउँछ । तर मधेशको भोट ‘स्वीङ’ हुने भएकेले यसै भन्ने अवस्था भने छैन । 

स्थानीय तह निर्वाचनमा दुईवटा पालिका जितेको एसले १९ हजार ६९८, कांग्रेसले १६ हजार ९२८, लोसपाले १२ हजार ६२, जसपाले ८ हजार २४१ र माओवादी ८ हजार १९१ मत पाएका छन् । माधव नेपालको प्रतिस्पर्धी एमालेको ७ हजार ३८५ मत छ । 

काठमाडौं– १ को बहुपक्षीय प्रतिस्पर्धा

नेपालमा वैकल्पिक राजनीतिको वकालत गरेर पार नलागेपछि सांसद बन्ने धोको पूरा गर्न पूर्वपञ्चको पार्टी राप्रपाको शरणमा पुगेका रवीन्द्र मिश्रका कारण काठमाडौं– १ चर्चामा छ । प्रकाशमान सिंहले चुनाव जित्दै आएको काठमाडौं– १ लाई चर्चामा ल्याउने काम नेपाल प्रहरीको उच्च तहमा पुगेका रमेश खरेल र स्वतन्त्र उम्मेदवारी दिने तयारी गरेर अन्तिममा रवि लामिछानेको पार्टीबाट चुनाव लडेका पुकार बमले पनि गरेका छन् । 

नेकपा एमालेको तर्फबाट युवा संघका अध्यक्ष किरण पौडेल समेत यसै क्षेत्रबाट उम्मेदवार छन् । 

२०७४ सालको प्रतिनिधिसभा निर्वाचनमा मिश्रलाई पराजित गरेर प्रकाशमान सांसद बनेका थिए । 

प्रकाशमानसँग ८ सय भोटले पराजित भएका मिश्रले यसपटक ८ हजार मतले जित्ने दाबी गरेका छन्, जबकि जित्ने उम्मेदवारले ल्याउने भोट नै १० हजारको हाराहारीमा हुन्छ । यस हिसाबले मिश्रको दाबी हावादारी देखिन्छ । विगतमा प्रकाशमानले १० हजार ९ सय ३६ मत पाउँदा मिश्रले १० हजार १ सय १८ मत पाएका थिए । त्यो बेला विवेकशील साझाको अध्यक्ष रहेका मिश्र अहिले राप्रपाको वरिष्ठ उपाध्यक्ष छन् । 

त्यतिबेला उनको प्रचारमा हिँडेकाहरू वैकल्पिक राजनीतिलाई तिलाञ्जली दिएको भन्दै अहिले विरोधमा छन् ।

स्थानीय तह निर्वाचनमा वडा तहको मतमा कांग्रेस एमालेभन्दा थोरै मतले अगाडि छ । वडातहमा कांग्रेसले ९ हजार ८९५ मत पाउँदा एमालेले ९ हजार ५४१ मत पाएको थियो ।  राप्रपाले १ हजार ३७६ र माओवादीले १ हजार १५९ मत पाएका थिए ।

प्रधानमन्त्रीका लागि आफू योग्य रहेको दाबी गर्ने प्रकाशमान अन्य उम्मेदवारबीच मत बाँडिदा आफूले चुनाव जित्ने विश्लेषणमा छन् । 

गगन थापा र राजन भट्टराई (काठमाडौं– ४)

कांग्रेसभित्र भावी प्रधानमन्त्रीका एकजना सशक्त दाबेदार महामन्त्री गगन थापाका कारण काठमाडौं– ४ यसपटक पनि चर्चाको शिखरमा छ । 

चीर प्रतिद्वन्दी उम्मेदवार एमालेका राजन भट्टराईसँग देस्रोपटक गगनको प्रतिस्पर्धा हुँदैछ ।

विद्यार्थी राजनीति गरेकै समयमा गणतन्त्रको नारा लगाएर चम्केका गगनले काठमाडौं– ४ बाट यसअघि लगातार दुईवटा चुनाव जितिसकेका छन् । 

२०७७ सालमा केपी ओलीले प्रतिनिधिसभा विघटन गर्दा सडकमा गएर विरोध गर्ने गगन कांग्रेसको पहिलो नेता थिए । प्रधानमन्त्री बन्न खोजेका गगनलाई रोक्न पार्टीभित्रबाटै अन्तर्घात र षड्यन्त्र हुने सम्भावना बाँकी छ । चर्चा कमाउनका लागि पनि गगन थापाको क्षेत्रबाट स्वतन्त्र उम्मेदवारी घोषणा गर्नेको कमी छैन ।

यति हुँदाहुँदै पनि गगन थापा चुनाव जित्नेमा ढुक्क छन् । विगतमा वामपन्थी गठबन्धन रहेको प्रतिकूल समयमा  समेत सहज जीत हासिल गरेका गगनले यसपटक पनि अप्ठ्यारो महसूस गरेका छैनन् । 

स्वतन्त्र उम्मेदवारी घोषण गरेका केहीले गगनलाई समर्थन गर्दै उम्मेदवारी फिर्ता गरेका छन् ।

चुनाव जितेपछि निरन्तर मतदातासँग सम्पर्कमा रहेका गगनले कोभिडको कालखण्डमा मतदाताको घर–घर पुगेर सहानुभूति बटुलेका छन् ।

मूलधारको राजनीतिमा नयाँ पुस्ताको प्रतिनिधित्व गर्दै नेतृत्वमा स्थापित हुन लागेकोमा केही स्वतन्त्र मतदाताको समेत उनलाई समर्थन छ । खगेन्द्र संग्रौलाजस्ता वामपन्थी कित्ताका बुद्धिजीवी पनि अन्तिम समयमा गगन थापालाई जिताउन हिँड्ने गरेका थिए । 

२०७४ सालको चुनावमा गगन २१ हजार ५ सय ५८ मत पाएर विजयी भएका थिए । प्रतिद्वन्द्वी वामपन्थी उम्मेदवार राजन भट्टराईले १८ हजार १ सय ४० मत पाएका थिए । स्थानीय तह निर्वाचनमा वडा तहमा यो क्षेत्रबाट नेकपा एमालेले धेरै मत पाएको छ । 

गठबन्धनको कुल मत जोड्दा एमालेको भन्दा थोरै मात्र बढी छ । स्थानीय चुनावमा एमालेले १६ हजार ५०७, कांग्रेसले १५ हजार ७६३, नेकपा एसले २ हजार ४१४, राप्रपाले २ हजार २९३ र माओवादीले ८ सय ४४ मत पाएका थिए । उम्मेदवारको व्यक्तिगत योग्यता, हैसियत र प्रभावले मतमा तल माथि हुन सक्छ ।   

ईश्वर पोखरेल, प्रदीप पौडेल र रञ्जु दर्शना (काठमाडौं– ५)

नेकपा एमालेका वरिष्ठ उपाध्यक्ष समेत रहेका ईश्वर पोखरेलले चुनाव जितेको काठमाडौं ५ स्वतन्त्र उम्मेदवारका कारण चर्चामा छ । चुनावको मिति घोषणा हुनुअगावै यस क्षेत्रमा स्वतन्त्र उम्मेदवारी दिनेको होड चलेको थियो । २०७४ सालको स्थानीय तह निर्वाचनमा काठमाडौंको मेयरमा उम्मेदवारी दिएर चर्चामा आएकी रञ्जु दर्शनादेखि हास्यकलाकार मधुसुदन पाठक (सीते बा)सम्मले काठमाडौं– ५ बाट उम्मेदवारी दिएका छन् ।

काठमाडौं– ५ कै स्थानीय इञ्जिनीयर सुशान्त श्रेष्ठदेखि युट्युबरहरूले चर्चामा ल्याएका  हेमराज थापासम्म स्वतन्त्र उम्मेदवार छन् । 

श्रीराम गुरुङ, विनिता अर्याल, बाबुराम पोखरेल, गोपीलाल न्यौपाने, विजक कंडेल, कृष्णलाल श्रेष्ठ, शान्तिराम पाण्डे, कुमार कोइराला, नारायणप्रसाद दाहाल, शैलेन्द्र बस्नेत, रमेश केसी लगायत १२ जना स्वतन्त्र उम्मेदवार पनि मैदानमा छन् । 

स्वतन्त्र उम्मेदवारको बाढी लागेको भएपनि मुख्य प्रतिस्पर्धा भने सत्ता गठबन्धनका साझा उम्मेदवार कांग्रेस नेता प्रदीप पौडेल र एमालेका ईश्वर पोखरेलबीच हुँदैछ । २०७४ सालको निर्वाचनमा कांग्रेस उम्मेदवार प्रकाशशरण महतलाई १० हजारको फराकिलो मतान्तरले पराजित गर्दै ईश्वर पोखरेल विजयी भएका थिए ।

माओवादीको समेत समर्थन रहेको तत्कालीन वामपन्थी गठबन्धनका उम्मेदवार पोखरेलले २३ हजार २९ मत प्राप्त गर्दा कांग्रेसका महतले १३ हजार ६९ मत प्राप्त गरेका थिए । गत वैशाखमा सम्पन्न स्थानीय तह निर्वाचनमा वडा तहको मतका आधारमा एमाले सत्ता गठबन्धनभन्दा अगाडि छ । तर विगतमा जस्तो १० हजारको मतान्तर छैन । 

स्थानीय तह निर्वाचनमा एमालेले १९ हजार ७०३ मत पाउँदा कांग्रेसले १४ हजार ८५३, नेकपा एसले १ हजार ८ सय २७ र नेकपा माओवादी केन्द्रले १ हजार १ सय ६८ मत पाएका थिए । 

गठबन्धनका सहयात्री दल माओवादी र नेकपा एसको उपस्थिति कमजोर छ । त्यसो त अधिकांश वडामा आफ्ना उम्मेदवार नरहेकाले स्थानीय तहको मतलाई आधार मान्न नमिल्ने ती दलको दाबी छ ।

स्थानीय चुनावको मत एउटा आधार भए पनि प्रतिनिधिसभा निर्वाचनको सन्दर्भ र उम्मेदवार फरक पर्ने भएकाले चुनावको नतिजा कसको पक्षमा जाला भनेर अनुमान गर्न कठिन छ ।

प्रचण्ड र अब्दुस मियाको प्रतिस्पर्धा (गोरखा– २)

मंसिर ४ पछिको प्रधानमन्त्रीका एक सशक्त दाबेदार माओवादी केन्द्रका अध्यक्ष पुष्पकमल दाहाल प्रचण्डसँगै चितवनको चुनावी माहोल गोरखा सरेको छ । 

चितवनमा चुनाव हराउने षड्यन्त्रको सुइँको पाएपछि प्रचण्ड सुरक्षित स्थान खोज्दै अन्तिममा गोरखा– २ पुगे । डा. बाबुराम भट्टराईले चुनाव जितेको क्षेत्रमा प्रचण्डको प्रतिस्पर्धा नेकपा एमालेका नवप्रवेशी अब्दुस मियाँसँग हुँदैछ । 

काठमाडौं– ५ मा स्वतन्त्र उम्मेदवारी दिने घोषणा गरेर चर्चामा आएका मियाले केपी ओलीको हातबाट टिका लगाएर एमाले प्रवेश गरेको महिना दिन नपुग्दै प्रतिनिधिसभाको टिकट पाए । राप्रपाका सुशील पन्त र रवि लामिछानेको राष्ट्रिय स्वतन्त्र पार्टीका कविन्द्र बुर्लाकोटी प्रचण्डसँग चुनावी मैदानमा छन् । 

आइतवार मात्र बाबुरामले प्रचण्डलाई भावी प्रधानमन्त्री र प्रचण्डको प्यानलबाट प्रदेश सभामा चुनाव लडेका सुरेन्द्र पाण्डेलाई भावी मुख्यमन्त्रीको रूपमा घोषणा गरे । 

२०७४ सालको प्रतिनिधिसभा चुनावमा कांग्रेसको समर्थनमा भट्टराई गोरखा– २ बाट निर्वाचित भएका थिए । बाबुरामले ३१ हजार ८ सय ७ भोट पाउँदा वाम उम्मेदवार नारायणकाजी श्रेष्ठले २४ हजार ९ सय ३३ मत पाएका थिए ।

वैशाखमा सम्पन्न स्थानीय तह निर्वाचनमा गोरखा– २ मा माओवादीले २२ हजार २५० मत पाउँदा कांग्रेसले २१ हजार १३६ मत पाएको थियो । 

एमालेको ७ हजार ९२६, बाबुरामको पार्टीको ७ हजार ५०४ र राप्रपाको ८७८ मत छ । 

गोरखा– २ मा गठबन्धनको भोट ५० हजार छ भने एमाले र राप्रपाको भोट जोड्दा झण्डै साढे ८ हजार हुन्छ । स्थानीय तह चुनावको मतलाई आधार मान्दा पनि प्रचण्ड सुरक्षित देखिन्छन् । 

कृष्णभक्त, उमेश र रविको त्रिपक्षीय प्रतिस्पर्धा (चितवन– २)

सेनापतिसँगै लड्ने भन्दै माओवादी अध्यक्ष पुष्पकमल दाहाल प्रचण्डसँग प्रतिस्पर्धा गर्न चितवन झरेका राष्ट्रिय स्वतन्त्र पार्टीका रवि लामिछानेका कारण चितवन २ चर्चाको केन्द्रमा छ । 

प्रचण्ड चितवन– ३ बाट गोरखा सरेसँगै रविले पनि हठात चितवन– २ बाट उम्मेदवारी दर्ता गराए । लामो समय अमेरिका बसेर फर्केका रविले टेलिभिजन कार्यक्रममार्फत पछिल्लो समय चर्चा बटुलेका थिए ।  

टेलिभिजन कार्यक्रममा कमाएको चर्चा र सामाजिक सञ्जालको प्रतिक्रियाबाट उत्साहित रविले राजनीतिमा हाम फालेर देश चलाउने महत्त्वाकांक्षा लिएका छन् । 

गाउँ टोलसम्म संगठन भएका स्थापित दललाई पछारेर प्रधानमन्त्री बन्ने रविको महत्त्वाकांक्षा यो चुनावमा परीक्षण हुँदैछ ।

स्थापित दल र पुराना नेताप्रति आक्रोश व्यक्त गर्ने समूहलाई समेटेर उनले देशका अधिकांश ठाउँमा उम्मेदवारी दिएका छन् । रविले कुनै साइनो नरहेको चितवन– २ किन रोजे भन्ने कुराको चित्तबुझ्दो जवाफ मतदाताले अझै पाएका छैनन् ।

जे होस्, उनको उम्मेदवारीका कारण पनि चितवन– २ को चुनावी माहोल तातेको छ । 

रविसँगै कांग्रेसका उमेश श्रेष्ठ उम्मेदवार बनेका कारण पनि यो क्षेत्र चर्चामा छ । नेकपा एमालेका कृष्णभक्त पोखरेलले चुनाव जित्दै आएको क्षेत्रमा आएका दुई उम्मेदवारलाई एमालेले ‘टुरिस्ट’को संज्ञा दिएको छ । 

जिल्लामा बसेर वकालत र राजनीतिलाई संगै अगाडि बढाएका पोखरेल स्थानीयमाझ लोकप्रिय छन् । उनीसँग रवि र उमेशको प्रतिस्पर्धाले चितवनको चुनावी रौनक तताएको छ । 

गत स्थानीय चुनावको वडातहको मतका आधारमा चितवन– २ मा एमाले अगाडि छ । 

एमालेले ३५ हजार ५४३ मत पाउँदा कांग्रेसले २४ हजार ५३१, माओवादीले ७ हजार ३७४ तथा नेकपा एसले ३ हजार ५६९ मत पाएका थिए । 

धनराज र पद्मा अर्यालको प्रतिस्पर्धा (स्याङ्जा– २)

नेपाली कांग्रेस र नेकपा एमालेका केन्द्रीय तहका पदाधिकारी भिड्न लागेको स्याङजा– २ मा यसपटक चुनावी प्रतिस्पर्धा रोचक हुने भएको छ । 

स्याङ्जा– २ मा सत्ता गठबन्धनका तर्फबाट नेपाली कांग्रेसका उपसभापति धनराज गुरुङ उम्मेदवार बनेका छन् । नेकपा एमालेबाट सचिव पद्मा अर्याल चुनावी मैदानमा उत्रिएकी छन् ।

विगतमा स्याङ्जालाई नेपाली कांग्रेसको गढ मान्ने गरिएको थियो । गोपालमान श्रेष्ठले एकछत्र रजाईं गरेको स्याङ्जामा २०७४ सालको चुनावमा पद्माले लालझण्डा गाडेकी थिइन् । वामपन्थी तालमेलका कारण २०७४ सालको प्रतिनिधिसभामा स्याङ्जाका दुवै क्षेत्रमा नेकपा एमाले विजयी भएको थियो । 

पद्माले ३५ हजार १ सय ४२ मत प्राप्त गर्दा गोपालमानले ३१ हजार ४ सय ३६ मत प्राप्त गरेका थिए । ३ हजार ७ सय ६ मतान्तरले पद्मा विजयी भएकी थिइन् । 

२०७९ सालसम्म आइपुग्दा ५ वर्षअघिको समीकरणमा फेरबदल भएको छ । नेकपा एमाले विभाजनको असर धेरै नदेखिएपनि स्थानीय तहको मतपरिणामअनुसार स्याङ्जामा एमाले दोस्रो पोजिसनमा पुगेको छ । 

गत वैशाखमा सम्पन्न स्थानीय तह निर्वाचनको वडातहको मतमा कांग्रेस पहिलो छ । कांग्रेसले ३६ हजार ८ सय ६ मत पाउँदा एमालेले ३४ हजार ८ सय ९ मत पाएको छ । गठबन्धनका अन्य दलको हैसिय तभने मजबुत छैन । माओवादी कमजोर रहेको स्याङ्जा– २ मा स्थानीय तह निर्वाचनमा उसले १ हजार २४३ मत मात्र पाएको थियो भने नेकपा एसको नगन्य अर्थात् २ सय ३३ मत थियो ।

पद्मा आफ्नो जीत दोहोर्‍याउने दाउमा छिन् भने धनराजले नयाँ इतिहास रच्ने लक्ष्य लिएका छन् ।

देव गुरुङ र पीएस गुरुङ (लमजुङ)

नेकपा माओवादी केन्द्रका महासचिव देव गुरुङ र एमालेका उपमहासचिव पृथ्वी सुब्बा (पीएस) गुरुङबीचको प्रतिस्पर्धाले लमजुङको चुनावी माहोलमा रौनक थपेको छ । २०७४ सालको प्रतिनिधिसभा निर्वाचनमा देव गुरुङको प्यानलबाट प्रदेश सभामा पीएसले चुनाव जितेका थिए । पीएस गण्डकी प्रदेशको मुख्यमन्त्री पनि बने । पहिलो संविधानसभाको समयमा ‘पहिचान’को आधारमा प्रदेशको सीमांकन र नामांकन राख्नुपर्छ भन्नेमा नेताद्वयको सहकार्य थियो । 

अघिल्लो चुनावमा सहकार्य गरेका गुरुङद्वयबीच अहिले प्रतिस्पर्धा छ । २०७४ सालको प्रतिनिधिसभा निर्वाचनमा कांग्रेसका दिलबहादुर घर्तीलाई पराजित गर्दै देव गुरुङ विजयी भएका थिए । गुरुङले ३९ हजार ४ सय ६८ मत पाउँदा कांग्रेसका घर्तीले ३१ हजार ६७ मत पाएका थिए । भर्खरै सम्पन्न स्थानीय तह निर्वाचनको वडातहको मतका आधारमा एमाले अगाडि छ । 

एमालेले ४० हजार १९७ मत पाउँदा कांग्रेसले ३५ हजार २७६ र माओवादी केन्द्रले ६ हजार १२७ मत पाएका थिए । माओवादी महासचिव र एमाले उपमहासचिवको प्रतिस्पर्धाले लमजुङको राजनीतिलाई तरंगित बनाइदिएको छ । 

विष्णु पौडेल र केशवबहादुर थापा (रुपन्देही– २)

नेकपा एमालेका उपाध्यक्ष एवं पूर्व अर्थमन्त्री विष्णु पौडेलले चुनाव जित्दै आएको रुपन्देही– २ यसपटक फेरि चर्चाको शिखरमा छ । रुपन्देहीबाट सधैँ चुनाव जित्दै आएका पौडेलको क्षेत्रमा सत्ता गठबन्धन उम्मेदवारविहीन बनेको छ । गठबन्धनका तर्फबाट साझा उम्मेदवार रहेका नेकपा एसका राजु गुरुङको उम्मेदवारी खारेज भएको थियो । मैदान खाली भएपछि गठबन्धनले जनमुक्ति पार्टीका केशवबहादुर थापालाई समर्थन गरेको छ ।  

पश्चिम नेपालको उदीयमान शहरको रूपमा परिचित बुटवल र आसपासको क्षेत्रको विकासमा पौडेलको नाम जेडिन्छ । पौडेलविरुद्ध गठबन्धन दलले घेराबन्दी गर्दा पनि सांसद रहँदा गरेको विकासका कारण उनी आफ्नो पक्षमा माहोल सिर्जना गर्न सफल भएका छन् ।

विगतमा नेकपाको महासचिव बनेर खेलेको समन्वयकारी भूमिकाका कारण उनले माओवादीको समेत भोट आकर्षण गर्ने देखिन्छ । गठबन्धनका आधिकारिक उम्मेदवारको मनोनयन खारेजीसँगै प्रतिस्पर्धी कमजोर भएका कारण पौडेललाई चुनाव जित्न सहज भएको छ । 

आफ्नै उम्मेदवार मैदानमा नभएपछि पैँचोमा पाएका उम्मेदवारको पक्षका गठबन्धनका कार्यकर्ता खुल्न बाँकी छ ।

चुनावको मिति नजिकिँदै गर्दा पौडेलले एमाले छाडेर गएकालाई धमाधम भित्र्याएका छन् । नेकपा एसका चर्चित व्यक्तित्व डा. बालकृष्ण चापागाईंलगायत अधिकाशंलाई पार्टीमा फिर्ता गरेका छन् । 

२०७४ सालको प्रतिनिधिसभा निर्वाचनमा पौडेल दोब्बरभन्दा बढी मतान्तरले विजयी भएका थिए । 

पौडेलले ४४ हजार ९ मत पाउँदा कांग्रेस उम्मेवार युवराज गिरीले २१ हजार ९ सय ४६ मत पाएका थिए ।

रुपन्देहीमा गरेको विकास र मतदातासँगको निरन्तर सम्पर्कका कारण पौडेलले माहोल सिर्जना गरेका छन् । 

 बालकृष्ण खाण र दीपक बोहरा (रुपन्देही– ३)

नेकपा एमालेले घनश्याम भुसालको टिकट खोसेर राप्रपाका दीपक बोहोरालाई समर्थन गरेका कारण रुपन्देही– ३ चर्चामा छ । एमालेले टिकट नदिएपछि अहिले स्वतन्त्रबाट रुपन्देही– १ मा उम्मेदवार बनेका भुसालले आफूलाई टिकटबाट वञ्चित गर्नकै लागि बोहोरालाई समर्थन गरिएको आरोप लगाउँदै आएका छन् ।

एमालेले राप्रपाका लागि छाडेका– ३ सीट मध्ये रुपन्देही ३ पनि एक हो, जहाँ गृहमन्त्री एवं नेपाली कांग्रेसका प्रभावशाली नेता बालकृष्ण खाण उम्मेदवार छन् । 

देशको शान्ति सुरक्षाको जिम्मा पाएको कमाण्डरसँग पूर्वपञ्चको पार्टीका नेताको चुनावी प्रतिस्पर्धाका कारण रुपन्देही– ३ चर्चामा छ । २०७४ सालको प्रतिनिधिसभा चुनावमा दीपक बोहोराका लागि बालकृष्णले सीट छाडेका थिए । अहिले एमालेको समर्थनमा मैदानमा छन् ।

कांग्रेसको समर्थन प्राप्त गरेका बोहोरालाई पराजित गरेर तत्कालीन एमालेका उम्मेदवार घनश्याम भुसाल विजयी भएका थिए । भुसाल ३२ हजार ८ सय ६६ मत पाएर विजयी हुँदा राप्रपाका बोहराले २७ हजार ४ सय २२ मत पाएका थिए । २०७० सालको संविधानसभा निर्वाचनमा बोहोरा राप्रपाबाट विजयी भएका थिए ।

गत स्थानीय तहको वडागत मतका आधारमा कांग्रेस अग्रस्थानमा छ भने दोस्रोमा एमाले र तेस्रोमा राप्रपा छन् । एमालेको मत हलोको पक्षमा रुपान्तरण भयो भने रुपन्देही– ३ मा तीब्र प्रतिस्पर्धा हुने देखिन्छ । 

स्थानीय तह निर्वाचनको वडा तहमा नेपाली कांग्रेसले ३४ हजार १५३, एमालेले २९ हजार ४८ र राप्रपाले १३ हजार ३९७ मत प्राप्त गरेका थिए ।

यस्तै जसपाले ६ हजार १८३, माओवादीले २ हजार ८८१, लोसपाले २ हजार १७४ र नेकपा एसले ९७७ मत प्राप्त गरेका थिए । पञ्चायतदेखि नै सत्ता राजनीतिका माहिर खेलाडी बोहरा र गृहमन्त्री खाणबीचको प्रतिस्पर्धालाई चासोका साथ हेरिएको छ ।

शंकर पोखरेल र रेखा शर्मा (दाङ– २)

लुम्बिनी प्रदेशको अर्को चर्चित निर्वाचन क्षेत्र दाङ– २ पनि हो । त्यहाँ नेकपा एमालेका महासचिव शंकर पोखरेल र माओवादीकी नेत्री रेखा शर्माबीच प्रतिस्पर्धा हुँदैछ । 

२०७४ सालको चुनावमा दाङ– २ बाट माओवादीका कृष्णबहादुर महरा विजयी भएका थिए । महरा प्रतिनिधिसभामा विजयी हुँदा उनकै प्यानलबाट शंकर पोखरेल प्रदेश सभामा विजयी भएका थिए । 

चुनाव जितेपछि पोखरेल लुम्बिनी प्रदेश सरकारको पहिलो कार्यकालको मुख्यमन्त्री बनेका थिए । नेकपा विभाजनसँगै पोखरेल नेतृत्वको सरकार ढल्यो । 

चितवनमा सम्पन्न महाधिवेशनमा केपी ओलीले अन्य नेतालाई पाखा लगाएर पोखरेललाई महासचिव बनाए । 

नेपाली कांग्रेस र माओवादीको राम्रो जनमत भएको दाङ– २ बाट चुनाव जित्नु पोखरेलका लागि चुनौती छ । पार्टीको महासचिवलाई चुनाव जिताउनु एमालेका लागि प्रतिष्ठाको विषय पनि बनेको छ । 

अघिल्लोपटक एमालेको समेत समर्थन प्राप्त गरेका माओवादी उम्मेदवार कृष्णबहादुर महराले ३९ हजार ९ सय ५९ मत प्राप्त गर्दा कांग्रेसका उम्मेदवार राजु खनालले २६ हजार ३६ मत पाएका थिए ।

महरासँग चुनाव हारेका खनाल यसपटक माओवादी उम्मेदवार शर्माको प्यानलबाट प्रदेशसभामा उम्मेदवार छन् । 

स्थानीय तहमा वडातहमा पाएको मतका आधारमा यो क्षेत्रमा एमाले पहिलो दल हो । एमालेले ३३ हजार ५९३ पाउँदा कांग्रेसले २३ हजार ३०१ र माओवादी केन्द्रले १० हजार ४७८ मत पाएका  थिए । गठबन्धनको अर्को दल नेकपा एसले २ हजार ९४२ मत पाएको छ । 

प्रधानमन्त्री शेरबहादुर देउवा (डडेल्धुरा)

ज्योतिषीले ७ पटक प्रधानमन्त्री बन्छन् भनेर भविष्यवाणी गरेका नेपाली कांग्रेसका सभापति शेरबहादुर देउवाको निर्वाचन क्षेत्र डडेल्धुरा यसपटक पनि चर्चाको शिखरमा छ । २०४८ सालदेखि अविजित रहेका देउवालाई चुनौती स्वतन्त्र युवा उम्मेदवार सागर ढकालदेखि विगतमा देउवाकै कार्यकर्ता रहेका कर्ण मल्लसम्म चुनावी मैदानमा छन् ।

२०७४ सालमा वामपन्थी गठबन्धन बनाएर घेराबन्दी हुँदा समेत चुनाव जितेका देउवा माओवादीको साथ पाएका कारण चुनाव जित्नेमा ढुक्क छन् । 

२०७४ सालको चुनावमा देउवाले २८ हजार ४ सय ४६ मत पाउँदा माओवादीका खगराज भट्टले २१ हजार ४ सय ९८ मत पाएका थिए । 

यसपटक कांग्रेस र माओवादीको भोट जोड्दा सहज जीत हासिल गर्न सकिने देउवाको आत्मविश्वास छ । 

स्थानीय तह निर्वाचनको वडागत मत नियाल्दा डडेल्धुरामा कांग्रेस पहिलो र माओवादी दोस्रो दल बनेका छन् । कांग्रेसले २१ हजार ७ सय ३५ र माओवादीले १२ हजार ८ सय ७८ मत पाउँदा एमालेले १० हजार ४ सय ४९ मत पाएको छ । नेकपा एसले समेत ५ हजार ४१ मत पाएको छ ।

प्रतिस्पर्धी भन्दा देउवा झण्डै ४ गुणाले अगाडि छन् । गठबन्धनको कुल भोट ३९ हजार ८ सय १० छ भने एमालेको १० हजार ४ सय मात्र छ । 

राप्रपाको ७ सय १४ भोटसमेत गर्दा विपक्षी गठबन्धनको ११ हजार १ सय ६३ को हाराहारीमा मात्र मत पुग्छ ।

गठबन्धनको मतको आधारमा चुनाव जित्ने देउवाको विश्वास छ । देउवाविरुद्ध उम्मेदवारी नदिएको एमालेले कांग्रेस बीपीका कर्ण मल्ललाई समर्थन गरेको छ ।

hAMROPATRO BELOW NEWS
Maruti inside
NLIC
TATA Below
म, तपाईं, उहाँ, हामी सबै भ्रष्टाचारी !

म, तपाईं, उहाँ, हामी सबै भ्रष्टाचारी !

माघ २१, २०७९

सन् २०१२–२०२२ सम्म हेर्दा देशमा निरन्तर भ्रष्टाचार बढेको देखिन्छ । यसैले मान्नुस्, नमान्नुस् हामी सबै भ्रष्टाचार नै हौं । किन, कसरी, कहाँ, कहिले भन्ने प्रश्न मलाई होइन, आफैंलाई सोध्नुस्, छर्लङ्ग हुन्छ । भ्रष्...

प्रिय रवि, तिमी सपनाको हत्या गर्दैछौ !

प्रिय रवि, तिमी सपनाको हत्या गर्दैछौ !

माघ २०, २०७९

मलाई त्यो एउटा पुरानो कुरा याद छ– प्रेम बानियाँ, तिमी (रवि लामिछाने), म र केही साथीहरू काठमाडौंको बाँसबारीस्थित थकाली भान्साघरको एउटा कोठामा बसेर ‘सिधा कुरा प्रधानमन्त्री सँग’को प्रोमोमा ...

प्रचण्डकै नेतृत्वमा फर्काउन सम्भव छ माओवादीको पुरानो साख !

प्रचण्डकै नेतृत्वमा फर्काउन सम्भव छ माओवादीको पुरानो साख !

माघ १९, २०७९

– सत्तालाई आर्यघाटसम्मको सहयात्री बनाउने । – शक्तिलाई ईश्वरीय अनुकम्पा सम्झने । – सम्पत्तिलाई सामन्ती विरासतको जगमा ढाल्नुपर्ने । – पार्टी मुख्यालयलाई शान्त मसानघाट जस्तो राख्ने । निवास...

ad
x