नेकपा एमाले उपाध्यक्ष तथा रुपन्देही–२ बाट प्रतिनिधि सभा सदस्य पदका उम्मेदवार विष्णु पौडेल चुनावी अभियानमा व्यस्त छन् । उनी मतदाताहरूसँग भेटघाट तथा मत माग्नका लागि घरदैलो अभियानमा जुटेका छन् । 

पौडेल शुक्रवार  तिलोत्तमा नगरपालिकाका विभिन्न वडामा सञ्चालित घरदैलो कार्यक्रममा सहभागी भए । उनका लागि यो निर्वाचनमा सत्ता गठबन्धनका उम्मेदवार राजु गुरुङको उम्मेदवारी खारेज भएपछि केही सहज देखिन्छ । उनले त्यस क्षेत्रबाट निरन्तर चुनाव जित्दै आएका छन् ।