दोलखा प्रतिनिधिसभा सदस्य निर्वाचनको जारी पछिल्लो मत गणनाअनुसार नेकपा (माओवादी केन्द्र) का उम्मेदवार गंगा कार्कीले अग्रता फराकिलो बनाएका छन् । उनी प्रतिस्पर्धी नेकपा (एमाले) का उम्मेदवार बालकृष्ण सिवाकोटीभन्दा ११९५ मतले अघि छन् ।

पछिल्लो परिणाम अनुसार कार्कीले ३५ हजार ७९० मत प्राप्त गरेका छन् । उनका प्रतिस्पर्धी सिवाकोटीलाई ३४ हजार ५९५ मत प्राप्त भएको छ । पछिल्लो भुषाफेदाको मत गणना गर्दा यो अन्तर देखिएको हो । 

अब शैलुङ गाउँपालिका १ दुधपोखरी र मेलुङ गाउँपालिका १ पवटीको मत परिणाम आउन बाँकी छ । सम्भवतः डेढ घण्टामा अन्तिम परिणाम आइसक्ने निर्वाचन अधिकृतको कार्यालयले जनाएको छ ।