अभिनेता पुष्प खड्का र अभिनेत्री साम्राज्ञी राज्यलक्ष्मी शाह बुधवार चितवन महोत्सवमा पुगे ।

आफूहरूको मुख्य भूमिका रहेको चलचित्र ‘तिम्रो मेरो साथ’को प्रियिमरका लागि चितवन पुगेका उनीहरू केही समय छुट्याएर महोत्सवमा समेत पुगेका हुन् ।

महोत्सवमा पुष्प र साम्राज्ञीसँगै अभिनेता सन्दीप क्षेत्री र  निर्देशक  रमेश एमके पौडेललाई आयोजकले फूलमालाले स्वागत गरेका थिए । पुष्प, साम्राज्ञी र सन्दीपले आफ्नो प्रस्तुतिमार्फत केही समय दर्शकलाई मनोरञ्जन प्रदान गरे ।

उनीहरूलाई हेर्न र तस्वीर खिच्न दर्शकहरु पनि निकै उत्साहित देखिएका थिए । 

बेलुका चितवनमा चलचित्रको प्रिमियर शो आयोजना गरिएको थियो ।  चितवनको लक्की मिडिया हाउसले आयोजना गरेको प्रिमियरमा खचाखच भरिएका दर्शकमाझ चलचित्र हेरेपछि कलाकारहरू उत्साहित देखिएका छन् ।

चलचित्रबाट आएको प्रतिक्रियाले उत्साहित भएको र देशभरका दर्शकले मन पराउनेमा विश्वस्त रहेको कलाकारहरूले बताएका छन् ।

चलचित्रमा पुष्प, साम्राज्ञी र सन्दीपसँगै इमिली लामा, सरोज खनाल, खड्ग बहादुर पुन, दिपिशा केसी लगायतका कलाकारहरूको समेत अभिनय छ ।

सबिर श्रेष्ठको लेखन तथा कार्यकारी निर्माण रहेको चलचित्रमा पासाङ लामा, अर्नव पौडेल र आर्यन पौडेलको लगानी छ ।  

 केन्द्रीय चलचित्र जाँच समितिले यो लभस्टोरी चलचित्रलाई युनिभर्सल सर्टिफिकेट दिएको हो ।