नेपाल वायुसेवा निगमले पछिल्लो पटक कर्मचारी सञ्चय कोषलाई तिर्नुपर्ने ऋणको किस्ता भुक्तानी गरेको छ।

निगमले पुस ३० गते ३३ करोड ९ लाख ५५ हजार २८१ रुपैयाँ भुक्तानी गरेको हो। कर्मचारी सञ्चय कोषबाट जहाज खरिदका लागि ऋण लिएकोमा न्यारोबडी जहाज खरिदको सावाँ र ब्याजबापत रकम भुक्तानी गरिएको निगमकी प्रवक्ता अर्चना खड्काले जानकारी दिइन्।

विगतमा विविध कारणले सञ्चयकोष तथा नागरिक लगानी कोषको ऋण दायित्व भुक्तानी नभइरहेकोमा निगमको व्यवस्थापन वर्तमान नेतृत्वले सम्हालेपछि गएको असार ३० गते १ अर्ब ३५ करोड रुपैयाँ र कात्तिक १ गते ७३ करोड ९ लाख ५५ हजार २८१ रुपैयाँ भुक्तानी गरिसकेको उनले बताइन्।