जनता समाजवादी पार्टी नेपाल (जसपा)ले  मन्त्रालयको भागबण्डामा असहमति जनाएको छ । जसपालाई २ मन्त्रालय दिने सत्ता साझेदार दलमा सहमति भएपनि सो पार्टीले चित्त नबुझाएको हो । 
जसपा प्रचार विभागका प्रमुख पूर्ण बस्नेतले मन्त्रालय बाँडफाँडमा पार्टीको असहमति रहेको बताए । 

‘सत्ता गठबन्धनले सोमबार गरेको मन्त्रालय बाँडफाँटमा जनता समाजवादी पार्टी, नेपालको असहमति रहेको छ’, उनले भने, ‘निर्णयमा पुनर्विचार नगरिए जसपा सरकारमा सहभागी हुदैन ।’
सत्ता साझेदार दलहरुबीचमा सोमबार अबेरसम्म भएको बैठकले मन्त्रालयको भागबण्डा टुंगो लगाएको थियो ।