शुक्रवारदेखि प्रदर्शनमा आएको चलचित्र ‘तिम्रो मेरो साथ’को सोमबार राजधानीमा विशेष शो राखियो । 

बेलुका विग मुभिजमा आयोजित उक्त विशेष शोमा पुगेर कलाकारदेखि सञ्चारकर्मीहरूले पुष्प खड्का र साम्राज्ञी राज्यलक्ष्मी स्टारर लभस्टोरी चलचित्र हेरे । 

विशेष शोमा चलचित्रका अभिनेताद्धय पुष्प, सन्दीप क्षेत्री, निर्देशक रमेश एमके पौडेल उपस्थिति थिए । 

निर्माण टिमको निमन्त्रणामा रामकृष्ण ढकाल, सविन श्रेष्ठ, निर्मल शर्मा, छवीराज ओझा, सन्तोष सेन लगायतले हलमा पुगेर २ घण्टा १० मिनेट चलचित्र हेरे । अधिकांशले विशेष शोमा ‘तिम्रो मेरो साथ’को खुलेर प्रशंसा गरेका थिए । 

लभस्टोरीमा सस्पेन्स र थ्रिल भएको कारण चलचित्र हेरुञ्जेल आफूहरूलाई बाँधेर राखेको उपस्थिति अतिथि कलाकर्मीहरुको भनाई थियो ।

विशेष शोमा चलचित्रको टिम उपस्थित भएपनि अभिनेत्री साम्राज्ञी भने उपस्थिति थिइनन् । उनी केही दिनयता आफ्नो अर्को चलचित्र ‘ह्यारीकी प्यारी’को टिमसँग मोफसल यात्रामा छिन् । 

‘तिम्रो मेरो साथ’लाई चलचित्रकर्मीहरुले राम्रो प्रतिक्रिया दिएपनि हलमा दर्शकको उपस्थिति भने न्यून छ ।