प्रदेशसभाको बैठक बिहीबार पनि बस्दै छ । प्रदेशसभा सचिवालयका अनुसार बिहान ११ बजे बस्ने गरी बैठक  तय गरिएको हो । 
यसअघिको मधेस प्रदेशसभाको बैठकले विभिन्न विषयगत समिति गठन गरेको छ ।

सभामुख रामचन्द्र मण्डलले प्रदेशसभा कार्यसञ्चालन नियमावली, २०७५ को नियम १३ बमोजिम कार्यव्यवस्था तथा परामर्श समिति र नियमावलीको नियम १४६ बमोजिम विभिन्न विषयगत समिति गठनका लागि राखेको प्रस्ताव बैठकले पारित गरेको हो ।