नेपाली कांग्रेसका नेता डा. शेखर कोइरालाले लोकतन्त्रमा यो वा त्यो बहानामा नितान्त व्यक्तिगत फोन ट्याप गर्ने कार्य स्वीकार्य नभएको बताएका छन् ।

बुधवार बिहान सामाजिक सञ्जाल ट्विटरमा लेख्दै कोइरालाले विगतमा विरोधका कारण रोकिएको काम फेरि अगाडि बढाउनुले सरकारको नियतमाथि प्रश्न उठेको जनाएका छन् ।

उनले लेखेका छन्, ‘लोकतन्त्रमा यो वा त्यो बहानामा नितान्त व्यक्तिगत फोन ट्याप गर्ने कार्य स्वीकार्य छैन । विगतमा विरोधका कारण रोकिएको यो कार्य फेरि अगाडि बढाउनुले सरकारको नियतमाथि प्रश्न उठेको छ । राष्ट्रिय सुरक्षासँग जोडिने यस्ता कार्यप्रति दल, मानव अधिकारकर्मी, नागरिक समाज र प्रेस जगतको समेत ध्यान जाओस् ।’