कांग्रेस महामन्त्री गगन थापाले आफूलाई अर्थमन्त्री बन्न प्रधानमन्त्री र कांग्रेस सभापतिले प्रस्ताव नगरेको बताएका छन् ।

रुपेन्देहीको भैरहवामा आयोजित अन्तक्रिर्यामा महामन्त्री थापाले आफूले प्राथमिकता दिएर आफ्नो कुरा गरे पनि कसैले पनि अर्थमन्त्रीका लागि प्रस्ताव नगरेको बताएका हुन् । 

‘मलाई प्रधानमन्त्रीले वा पार्टी सभापतिले अर्थमन्त्री बन्नुस् भन्नुभएको छैन ।  म महामन्त्री छु र काम गर्न चाहन्छु भनेर मैंले मेरो प्राथमिकतको कुरा भनेको हुँ । तर एकथरीले भन्दाभन्दै नगरिएको हो कि भन्न पो पर्न थालिसके’ थापाले भने, ‘प्रधानमन्त्री र सभापतिले अर्थमन्त्री बन भनेको होइन । मलाई अहिलेसम्म कसैले बोलाएर केही दिएका छैनन् । जे पाएको छु लडेर पाएको छु । साथीको शुभेच्छाले पाएको छु । म मायाले पाएको छु ।’ 

थापाले २०८४ मा कांग्रेसलाई बलियो र पहिलो पार्टी बनाउने इच्छा आफूलाई भएको थापाले प्रस्ट्याएका एका छन् । 

‘कांग्रेस ठूलो पार्टी छ । यसका ८ लाख त सदस्य छन् । हाम्रा ३ सय बढी स्थानीय सरकार छन् । यसैले २०८४ सालमा हामीविरुद्ध जो जोले गठबन्धन बनाए पनि एक्लै जित्ने पार्टी बनाउनुछ’, थापाले ‘१६५ क्षेत्रमा हाम्रोविरुद्ध जो जो मिले पनि कांग्रेसले कांग्रेसलाई मात्रै भोट हाल्ने गरी अघि बढ्नुपर्छ ।’

गठबन्धनको संस्कृति खानेपानी, रेडक्रस, विद्यार्थी, लायन्स क्लबतिर पनि सरिरहेको भन्दै राम्रो काम गर्नको लागि तलबाटै बार्टी बनाउनुपर्ने बताएका हुन् । 

अब केही दिनमा सरकार विस्तार गरेर नागरिकका समस्या समाधानको लागि काम गर्नुपर्ने उनले बताए । 

अहिलेको सरकारलाई नागरिकमा उत्साह भर्ने र विश्वास जगाउनुको विकल्प नभएको पनि उनले बताए ।