इन्डियन प्रिमियर लिग (आईपीएल) को १६ औं संस्करण आजबाट शुरू हुँदैछ ।

उद्घाटन समारोह साँझ नेपाली समयअनुसार सवा ६ बजे अहमदाबादको नरेन्द्र मोदी स्टेडियममा शुरू हुनेछ ।

यसपछि साँझ नेपाली समयअनुसार पौने ८ बजे देखि साविक विजेता गुजरात टाइटन्स र ४ पटकको विजेता चेन्नई सुपर किंग्सबीच खेल हुनेछ । 

४ वर्षपछि आईपीएलको उद्घाटन समारोह हुँदैछ र ३ वर्षपछि घरेलु र अवे ढाँचामा प्रतियोगिता खेलाइनेछ ।

अर्थात् टोलीले लिगका ७ खेल घरेलु र बाँकी लिग खेल विपक्षी टोलीको मैदानमा खेल्नेछन् । 

महेन्द्र सिंह धोनीको कप्तानीमा रहेको चेन्नई सुपर किंग्स टोली प्रतियोगिताको सफल टोलीमध्ये एक हो। टोलीले प्रतियोगितामा मुम्बईपछि सबैभन्दा बढी ४ उपाधि जितेको छ । टोली १३ मध्ये ११ सिजनमा प्लेअफमा पुगेको छ। ९ पटक फाइनल खेलेको छ।

गत सिजन भने चेन्नईले १४ मध्ये ४ खेल मात्र जित्न सकेको थियो ।