शिव परियारको स्वरमा रहेको ‘फूलै फूल दिन्छौँ की...’बोलको गीत करोड क्लबमा प्रवेश गरेको छ ।

सात महिनाअघि सार्वजनिक गीतको रिमेक भर्सनलाई युट्युबमा करोड प्लस भ्युज मिलेको हो ।

आनन्द अधिकारीको शब्द, आशिष अविरलको संगीत, शिव परियारको स्वरमा रहेको गीत एक दशकपछि रिमेक भर्सनमा सार्वजनिक गरिएको हो । 

उक्त समय पनि चर्चामा रहेको गीत रिमेक भर्सनमा सार्वजनिक भएसँगै फेरि चर्चामा आएको थियो । आशिष अविरलकै संगीत, शिवकै स्वरमा रिमेक भर्सन सार्वजनिक गरिएको थियो । 

विवेक रसाईलीको कन्सेप्ट एवं निर्देशनमा तयार यसको भिडियोमा अभिनेता एवं मोडल आकाश श्रेष्ठ र अभिनेत्री एवं मोडल करुणा श्रेष्ठ फिचर्ड छन् । 

शिवको स्वरमा रहेको यस गीत दुई महिना अघि मात्रै अस्मिता अधिकारीको स्वरमा फिमेल भर्सनमा समेत सार्वजनिक भएको छ । फिमेल भर्सनलाई पनि स्रोता दर्शकले रुचाएका छन् ।

गीत करोड क्लबमा प्रवेश गरेसँगै खुशी साट्दै गायक शिवले स्रोता दर्शकलाई धन्यवाद दिएका छन् ।