कोरोना भाइरस संक्रमबाट बुधबार थप एक जनाको मृत्यु भएको छ। 

स्वास्थ्य तथा जनसंख्या मन्त्रालयका अनुसार उपचारका क्रममा एक संक्रमितको मृत्यु भएको जनाएको हो। 

लामो समय कोरोनाका कारण नेपालका कसैको मृत्यु नभए पनि ६ महिनापछि मंगलबार एक जनाको मृत्यु भएको थियो। 

कोरोना संक्रमित संख्या बढेसँगै संक्रमितको मृत्यु हुन थालेको छ। हालसम्म कोरोनाबाट १२ हजार २२ जनाले ज्यान गुमाइसकेका छन्।

पछिल्लो २४ घण्टामा भने १२१ जना कोरोना संक्रमित थपिएका छन्। 

६२० जनाको पीसीआर परीक्षण गर्दा ५८ जनामा र एक हजार ७५७ जनाको एन्टीजेन परीक्षण गर्दा ६३ जनामा संक्रमण पुष्टि भएको स्वास्थ्य मन्त्रालयले जनाएको छ।