नेपाल उद्योग वाणिज्य महासंघका वरिष्ठ उपाध्यक्षका उम्मेदवार रहेका व्यवसायी उमेशलाल श्रेष्ठले महासंघको चुनावलाई थप फोहोर नबनाउन अञ्जन श्रेष्ठलाई समर्थन गरेको बताएका छन्। 

बिहीवार वरिष्ठ उपाध्यक्षमा अञ्जन श्रेष्ठलाई समर्थन गर्दै उनले महासंघको चुनावलाई थप फोहोर नबनाउन दोस्रो चरणको निर्वाचनमा नजाने निर्णयमा पुगेको बताए।

दोस्रो चरणको निर्वाचनमा आफूले र अञ्जनले पनि ४/५ करोड खर्च गर्न सक्ने अवस्थामा भए पनि चुनावलाई फोहोरी नबनाउन आफूले अञ्जनलाई समर्थन गरेको प्रतिक्रिया दिए।

उनले महासंघको निर्वाचन पद्धति खराब भएको पनि बताए।

महासंघको विधान पुनः लेखन गर्नुपर्ने उनको भनाइ थियो। आफू बाचुञ्जेल महासंघमा नै रहने उनको भनाइ थियो।

उनले महासंघको नेयाँ नेतृत्वले वैशाख २ गतेबाट महासंघलाई सबैको बनाउन सुझाव दिए। 

उनले महासंघका निर्वाचित नेतृत्व आगामी दिनमा एक भएर काम गर्न आवश्यक रहेको बताए।

महासंघको सदस्यता वितरणमा कडाइ गर्नुपर्ने उनले बताए।