इन्डियन प्रिमियर लिग (आईपीएल) क्रिकेटको अन्तिम लिग प्रतियोगिताअन्तर्गत आइतवार राति भएको खेलमा रोयल च्यालेन्जर बैंगलोरलाई ६ विकेटले हराउँदै गुजरात टाइटन्सले जितेको छ ।

वर्षाका कारण ढिलो शुरू भएको खेलमा हार्दिक पंड्याले टस जितेर बैंगलोरलाई ब्याटिङका लागि बोलाएका थिए । विराट कोहलीको शतकीय योगदानले बैंगलोरले २० ओभर खेलेर ५ विकेटमा १९७ रन बनाए ।

जवाफी ब्याटिङ गर्दै गुजरातका शुभमन गिलले शतक बनाउँदै टीमलाई जिताए । गिलले ५० बलमा शतक पूरा गर्दै ५२ बलमा १०४ रन बनाएर खेलको अन्तिमसम्म खेले । उनले ८ छक्का र ५ चौकाको मद्दतमा शतक पूरा गरेका थिए ।

गुजरातको जीतसँगै मुम्बई इन्डिन्स प्लेअफमा पुगेको छ । मुम्बईको प्लेअफ यात्रा बैंगलोर र गुजरातको प्रतिस्पर्धामा निर्भर थियो ।