प्रतिनिधिसभाबाट मिटरब्याजसम्बन्धी विधेयक पारित

 प्रतिनिधिसभाले  मिटरब्याजसम्बन्धी विधेयक पारित गरेको छ । 

मिटरब्याज समस्यालाई सम्बोधन गर्ने गरी ल्याइएको मुलुकी संहितासम्बन्धी केही नेपाल ऐनलाई संशोधन गर्ने विधेयक, २०८० लाई  आइतबार बसेको बैठकले सर्वसम्मतिले पारित गरेको हो ।

सदनमा कानुन, न्याय तथा संसदीय मामिलामन्त्री धनराज गुरुङले प्रस्तुत गरेको  उक्त विधेयक प्रतिनिधिसभाका सभामुख देवराज घिमिरेले  सर्वसम्मतिले पारित भएको घोषणा गरे । उक्त विधेयकमा मिटरब्याजसँग सम्बन्धि कानुनी व्यवस्था गरिएको छ । यो विधेयकले अनुचित लेनदेनसँग सम्बन्धि कार्यलाई कसुर कायम गरेको छ ।