नेपाली कांग्रेसका सभापति शेरबहादुर देउवाले विभिन्न १५ वटा विभागमा प्रमुख मनोनीत गरेका छन् । ​देउवाले नेपाली कांग्रेसको विधान, २०१७
(संशोधन सहित) को धारा ३७ (१) (ग) बमोजिम  केन्द्रीय कार्यसमितिका रहेका सदस्यमध्येबाट प्रमुख चयन गरेका हुन् । 

जसअनुसार कृष्णचन्द्र नेपाली पोखरेल प्रदेश समन्वय विभाग प्रमुख चयन भएका छन् । यसैगरी  पुष्पा भुसाल महिला विभाग,  चिनकाजी श्रेष्ठ उद्योग तथा व्यापार विभाग, किरण यादव तराई—मधेश समन्वय विभाग प्रमुख चयन भएका छन् । 

यसैगरी  योगेन्द्र चौधरी थारु विभाग, गेहेन्द्र गिरी जेष्ठ नागरिक समन्वय विभाग,  आङ्गेलु शेर्पा पर्यटन विभाग,  डा रणबहादुर रावल गैर सरकारी संस्था समन्वय विभाग,  दिलमान पाख्रिन आदिवासी जनजाति विभाग चयन भएको पार्टी कार्यालयका मुख्यसचिव कृष्ण प्रसाद पौडेलले जानकारी दिए । 

उनका अनुसार  प्रकाश रसाईली स्नेही वैदेशिक रोजगार समन्वय तथा आप्रवासन विभाग,  रंगमती शाही पिछडिएको क्षेत्र विभाग,  गुरु बराल आपूर्ति तथा उपभोक्ता विभाग,  नानु बास्तोला जिल्ला सम्पर्क समिति समन्वय विभाग,  मदनकृष्ण श्रेष्ठ अपाङ्गता भएका व्यक्ति र समुदाय समन्वय विभाग र  सीता थपलिया (उर्मिला) उद्यमशीलता र साना तथा मझौला व्यवसायी विकास विभाग प्रमुख चयन भएका छन् ।