कात्तिक २१, २०८०
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
काठमाडाैं | असोज १४, २०८०
सञ्चालनमा आएको डेढ वर्षपछि मुलुकको दोस्रो अन्तर्राष्ट्रिय विमानस्थलको धावनमार्ग व्यक्तिको नाममा दर्ता भएपछि रूपन्देही प्रशासन अनुसन्धानमा जुटेको छ ।
भैरहवास्थित गौतमबुद्ध अन्तर्राष्ट्रिय विमानस्थलको ४ बिगाहा १७ कठ्ठा ६ धुर जग्गा सिद्धार्थनगर नगरपालिका– ५ का पर्वतराज कान्त मिश्रको नाममा दर्ता भएको मालपोत कार्यालय रूपन्देहीको अभिलेखमा देखिन्छ ।
सो जग्गा एयरपोर्टको कम्पाउन्डभित्र र धावनमार्गमा समेत पर्छ ।
७ वटा कित्तामा रहेको ९ करोड रूपैयाँ मूल्यको जग्गा मिश्रको नाममा भेटिएपछि उनको खोजी भइरहेको छ । भारतको गोरखपुर बस्ने मिश्रको नाममा वैशाख ८ गते धावनमार्गको जग्गा दर्ता भएको देखिन्छ । कसरी मिश्रको नाममा जग्गा दर्ता हुन पुग्यो ? उनी कहाँ के गर्दैछन् ? मालपोतको कमजोरी कहाँ भयो भन्ने विषय खोजी र अनुसन्धान भइरहेको रुपन्देहीका प्रमुख जिल्ला अधिकारी गणेश अर्यालले बताए ।
‘म जिल्लामा आएको जम्मा दुई हप्ता भयो,’ सीडीओ अर्यालले लोकान्तरसँग भने, ‘सार्वजनिक जग्गा संरक्षण गर्ने दायित्व प्रजिअको हो । मैले यहाँ शून्यबाट काम शुरू गर्दैछु । आज मुआब्जा कमिटीको बैठक बोलाएको छु । मालपोत र नापीबाट पनि कसरी व्यक्तिको नाममा पुग्यो भनेर हेर्दैछु ।’
उक्त जग्गा अहिले गौतमबुद्ध अन्तर्राष्ट्रिय विमानस्थल परियोजनामा मुआब्जाका लागि पेस भएको छ । विमानस्थल परियोजनाले सहज तरिकाले मुआब्जा दिने हो भने करीब १५ करोड बराबर मुआब्जा जग्गा धनी मिश्रले प्राप्त गर्ने गौतमबुद्ध अन्तर्राष्ट्रिय विमानस्थल परियोजनाका प्रमुख प्रवेश अधिकारीले बताए ।
‘हामी अहिले कानूनी परामर्शमा छौं । प्रमुख जिल्ला अधिकारीले मुआब्जा समितिको बैठक राख्नुभएको छ । मुआब्जाका लागि निवेदन आएको हो । मुआब्जा दिने विषयमा निर्णय गरेको अवस्था छैन । ती मिश्राको नागरिकता २०६२ तिर लिएको देखिन्छ । सबै प्रक्रियामा अस्पष्टता देखिएकाले छलफल गर्दै छौं,’ अधिकारीले लोकान्तरसँग भने ।
यो विषयमा अहिले मालपोत कार्यालयका कर्मचारी बोलेका छैनन् । जग्गा व्यक्तिको नाममा दर्ता हुँदा मालपोत कार्यालय रुपन्देहीका प्रमुख कुमार आचार्य थिए । अहिले पनि आचार्य बहाल नै छन् ।
जग्गाको विषयमा कसरी चलखेल शुरू भयो ?
विमानस्थल रहेको क्षेत्रमा वि.सं.२०२२ सालतिर सुजा मिश्राइनको नाममा ३० बिगाहा १४ कठ्ठा १४ धुर जग्गा थियो । भूमिसम्बन्धी ऐन, २०२१ अनुसार एक व्यक्तिको नाममा ११ बिगाहाभन्दा बढी जग्गा राख्न पाउने अवस्था थिएन ।
वि.सं. २०२२ पुस ९ गते हदबन्दीभन्दा बढी भएको ४ बिगाहाभन्दा बढी जग्गा उनले कालीमाता मन्दिरको नाममा छाड्ने घोषणा गरिन् । घोषणाको पत्र पनि हाल निवेदनमा संलग्न छ । निःसन्तान रहेकी मिश्राइनको वि.सं.२०२५ माघ १८ गते मृत्यु भयो ।
३० बिगाहा जग्गामध्ये ११ बिगाहाभन्दा माथि र कालीमाता मन्दिरलाई दिइएको ४ बिगाहा जग्गाभन्दा बाहिर रहेको करीब १५ बिगाहा छुट कित्ताहरूमा नजिकका हकदारले हकदाबी गरी अदालती प्रक्रियामा गए । वि.सं.२०६४ मा जिल्ला मालपोत कार्यालय रुपन्देहीले विभिन्न सात कित्ता जग्गा मन्दिरलाई छाडी बाँकी रमाकान्त मिश्रको नाममा कायम गरिदियो ।
मालपोत कार्यालयलको उक्त निर्णयविरुद्ध अर्का पात्र हरिप्रसाद र चन्द्र शेखरले पुनरावेदन अदालतमा फरक–फरक मुद्दा दायर गरे । वि.सं. २०६४ मंसिर २२ मा रमाकान्त मिश्रको मृत्यु भयो । वि.सं. २०६५ भदौ १ गते अदालतले मृतक रमाकान्त मिश्रको नाममा फैसला गर्यो । मिश्रको मृत्युपछि नजिकको हकवाला पर्वतराज कान्त मिश्रको नाममा विभिन्न २४ वटा कित्ताबाट हुन आउने १७ बिगाहा ३ कठ्ठा जग्गाको स्वामित्व आयो ।
ती जग्गामा मोही रहेकाले १० बिगाहा ६ कठ्ठा जग्गा मिश्रको नाममा कायम भयो । उलेख्खित जग्गा मिश्रले विभिन्न मितिमा बिक्री गरेका छन् भने १ बिगाहा १ कठ्ठा जग्गाबापत विमानस्थल परियोजनाबाट मुआब्जा पनि लिइसकेका छन् ।
तिनै मिश्रले अहिले हदबन्दीभन्दा बाहिर हुँदा कालीमाता मन्दिरका लागि दिएको जग्गा मालपोत कार्यालय रुपन्देहीका कर्मचारीहरूको मिलेमतोमा छुट कित्ता कायम गरी वि.सं. २०८० वैशाख ८ गते लालपुर्जा कायम गरेर मुआब्जाका लागि परियोजनामा पेश गरेका छन् ।
मसानघाट पनि व्यक्तिको नाममा
भैरहवामा नै भुमाफियाले मानिसको मृत्युपश्चात दाहसंस्कार गर्ने मसानघाटको जग्गासमेत बिक्री गरेर व्यक्तिको नाममा बनाएको सार्वजनिक भएको छ ।
सिद्धार्थनगर नगरपालिका वडा नम्बर १० स्थित गौतमबुद्ध अन्तर्राष्ट्रिय विमानस्थलनजिक घाघरा खोला छेउमा रहेको साविक भुजौली ७ क मा पर्ने कित्ता नं ६१ मा रहेको पितृ विसर्जन तथा शव दहनस्थलको १ विगाहा ११ कट्ठा ५ धुर जग्गा नक्कली कागजपत्र तयार गरेर व्यक्तिको नाममा दर्ता तथा बिक्री गरेको खुलेको हो ।
पितृ विसर्जन तथा शवदहन स्थल रहेको जग्गा हडपेर व्यक्तिको नाममा बनाएको सूचना पाएपछि यसलाई रोक्न आफूहरू लागिपरेको लागेको सिद्धार्थनगर नगरपालिका वडा नम्बर ४ का वडाअध्यक्ष मुक्तिनाथ यादव (भोला) ले बताए । उनले भूमाफियाको खेलमा जग्गा दर्ता भएको बताए । वडाअध्यक्ष यादवले दोषीलाई कानूनी दायरामा ल्याउन माग गरे ।
विवरणअनुसार यो जग्गा अर्घाखाँचीको साविक मैदान गाविस वडा नम्बर ५ बस्ने नुरपति घिमिरेको नाति, नरपति घिमिरेको छोरा फर्सुराम घिमिरेको नाममा दर्ता भएको छ ।
मालपोत कार्यालय रुपन्देहीबाट २०७० वैशाख २८ गते फर्सुराम घिमिरेको नाममा दर्ता भएको छ । यसअगाडि उक्त जग्गा पर्ती थियो । सिद्धार्थनगर नगरपालिका वडा नम्बर १० र ४ का स्थानीयहरूको शव जलाउने घाटका रूपमा सो स्थान प्रयोग गर्दै आएका थिए ।
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...