टीकापुर घटनाका दोषीको कैद छुट गर्नुको कारण पेश गर्न सर्वोच्चको आदेश

सजाय छुट गर्नुको कारण पेश गर्न सरकारलाई आदेश दिएको छ ।

सर्वोच्च अदालतले टीकापुर घटनामा संलग्न तीन जनाको कैद सजाय छुट गर्नुको कारण पेश गर्न सरकारलाई आदेश दिएको छ ।

शारदा कठायत र मन्धरादेवी विष्टले दिएको रिटमाथि बिहीवार सुनुवाइ गर्दै न्यायाधीश प्रकाशकुमार ढुंगानाको इजलासले कारण देखाउ आदेश दिएको हो ।

२०७२ भदौ ७ गते कैलालीको टीकापुरमा ८ सुरक्षाकर्मी र १ नाबालकको हत्याको घटनामा दोषी ठहर भएका हरिनारायण चौधरी, वीरबहादुर चौधरी र प्रदीप चौधरीको कैद छुट गर्ने सरकारको निर्णयबारे सर्वोच्चले लिखित जवाफ माग गरेको हो ।

संविधान दिवसको अवसरमा सरकारको सिफारिशमा राष्ट्रपति रामचन्द्र पौडेलले टीकापुर घटनामा दोषी ठहर भएका हरिनारायण, वीरबहादुर, प्रदीपलगायतका व्यक्तिको कैद छुट गरेका थिए ।