कमल थापा नेतृत्वको  राप्रपा नेपालको केन्द्रीय समितिको बैठक आइतबारदेखि सुरु हुने भएको छ । जसअनुसार शनिबार कार्य सम्पादन समितिको बैठक बसेको छ ।

 बैठकले काठमाडौंमा शुरु हुने केन्द्रीय समितिको एजेन्डा तय गरेको महामन्त्री राजाराम बर्तौलाले जानकारी दिए । उनका अनुसार बैठकमा प्रस्तुत हुने  कार्यपत्र र प्रतिबेदनहरु पनि परिमार्जन सहित पास भएको छ । 

 पार्टी अध्यक्ष कमल थापाद्वारा प्रस्तुत ‘भ्रष्ट व्यवस्थाको अन्त्य, संबैधानिक राजसंस्था सहितको प्रजातन्त्र र हिन्दुराष्ट्रको स्थापना र सुशासनको माध्यमबाट आर्थिक समृद्धिको लागि जनआन्दोलन तथा राष्ट्रिय मोर्चाको निर्माण’ बारे प्रस्तुत राजनितिक कार्यपत्र महामन्त्री रबर्तौलाद्वारा प्रस्तुत संगठन बिभागको प्रतिबेदन र कोषाध्यक्ष ज्ञानेन्द्र कार्कीद्वारा प्रस्तुत आर्थिक प्रतिबेदन केन्द्रीय समिति बैठकमा प्रस्तुत गर्ने गरि अनुमोदन गरिएको हो । 

 केन्द्रिय समिती बैठक सोमबारसम्म चल्नेछ ।  त्यसपछि सोमाबार दिउँसो काठमाडौं उपत्यका भेला मार्फत निर्णयहरु सार्बजनिक गर्ने जनाइएको छ ।