नेपाली कांग्रेसको शेखर कोइराला पक्षको बैठक बुधबार मात्रै बस्ने भएको छ । यसअघि मंगलबार बस्ने भनिएपनि नेताहरुबीचको परामर्शपछि बुधबार मात्रै बैठक बस्ने सहमति भएको हो । उक्त बैठकमा महामन्त्री गगन थापा पनि सहभागी हुनेछन् । 
कांग्रेस नेता अर्जुन नरसिंह केसीले मंगलबारको बैठक बुधबारका लागि तय गरिएको बताए । 

‘पहिले समन्वय नभइ बैठक बोलाइएको रहेछ । महामन्त्री पनि नहुने भएपछि राम्रो सन्देश जाँदैन भनेर मैले भोलिको बैठक पर्सिलाई सार्न पहल गरें’, उनले भने, ‘ शेखरजी र गगनजी दुवै बसेर सहमति गर्नुभयो  । अब हाम्रो समूहको बैठक पर्सि बस्छ ।’

आगामी महासमिति बैठकसहितका विषयमा छलफल सो समूहको बैठक बस्न लागेको हो ।