नेको इन्स्योरेन्स लिमिटेडले आफ्नो २८औं वार्षिक साधारण सभा सम्पन्न गरेको छ ।

साधारण सभाले आर्थिक वर्ष २०७९/०८० को वार्षिक प्रतिवेदन पारित गर्नुका साथै संस्थापक शेयरधनीको तर्फबाट २ र साधारण शेयरधनीको तर्फबाट ३ गरी जम्मा ५ जना सञ्चालकहरूलाई निर्वाचित गरेको छ ।

निर्वाचित हुने सञ्चालकहरूमा संस्थापक शेयरधनीका तर्फबाट रमेशकुमार निरौला र प्रताप सुवेदी छन् । ​

त्यसैगरी साधारण शेयरधनीको तर्फबाट भरतकुमार अधिकारी, भानुभक्त पोखरेल र डा. निलिमा श्रेष्ठ रहेका छन् ।​​

निर्वाचनपश्चात् बसेको ४५७औं सञ्चालक समितिको बैठकले रमेशकुमार निरौलालाई सञ्चालक समितिको अध्यक्षको रुपमा चयन गरेको छ ।