आईसीसी विश्वकप क्रिकेट लिग-२ अन्तर्गत नेदरल्यान्डसविरुद्ध नेपालले दोस्रो सफलता हात पारेको छ । छैटौँ ओभरमा नेपालले नेदरल्यान्डसको दोस्रो विकेट लिएको हो । 

नेपालले रनआउट मार्फत दोस्रो सफलता पाएको हो । म्याक्स ओ डाउड १० रन बनाएर रन आउट भएका हुन् । 

यसअघि तेस्रो बलमा सोमपाल कामीले पहिलो विकेट लिएका थिए । उनले माइकल लेभिटलाई शून्यमै क्याच आउट गराएका थिए । 

त्रिवि क्रिकेट मैदानमा जारी खेलमा नेपालले टस जितेर पहिले बलिङ गर्ने निर्णय गरेको थियो । 

पहिलो खेलमा बिहीबार नेपाल नामिबियासँग ४ विकेटले पराजित भएको थियो ।